Ganesh Chaturthi: गणेशोत्सवात बाप्पाचे स्वागत करा गोड पदार्थांनी, झटपट बनवा बेसन बर्फी

यंदाच्या गणपती उत्सवात बाप्पाच्या नैवेद्यासाठी तुम्हाला गोडाचे पदार्थ घरी बनवायचे असतील तर तुम्ही बेसनपासून बर्फी बनवू शकता. बेसन बर्फी कमीत कमी साहित्यामध्ये झटपट तयार होते. सण उत्सवाच्या दिवसांमध्ये बाजारात मोठ्या प्रमाणावर भेसळ युक्त मिठाई विकली जाते. भेसळयुक्त मिठाईचे सेवन केल्यामुळे आरोग्याला हानी पोहचण्याची शक्यता असते. त्यामुळे तुम्ही सोप्या पद्धतीमध्ये बेसन बर्फी बनवू शकता.

गणपती बाप्पाच्या आगमनासाठी अवघी मुंबईपुरी सज्ज झाली आहे. बाप्पाच्या आगमन सोहळ्याला अवघे काही दिवस शिल्लक राहिले आहेत. त्यामुळे यंदाच्या गणपती उत्सवात बाप्पाच्या नैवेद्यासाठी तुम्हाला गोडाचे पदार्थ घरी बनवायचे असतील तर तुम्ही बेसनपासून बर्फी बनवू शकता. बेसन बर्फी कमीत कमी साहित्यामध्ये झटपट तयार होते. सण उत्सवाच्या दिवसांमध्ये बाजारात मोठ्या प्रमाणावर भेसळ युक्त मिठाई विकली जाते. भेसळयुक्त मिठाईचे सेवन केल्यामुळे आरोग्याला हानी पोहचण्याची शक्यता असते. त्यामुळे जास्तीचे पैसे खर्च न करता तुम्ही कमीत कमी साहित्यामध्ये बेसन बर्फी बनवू शकता. बेसन बर्फी चवीला गोड आणि सुंदर लागते. चला तर जाणून घेऊया बेसन बर्फी बनवण्याची सोपी रेसिपी.

साहित्य:

• बेसन पीठ
• साखर
• तूप
• वेलची पावडर
• काजू बदाम तुकडे

हे देखील वाचा: Ganesh Chaturthi: गणेशोत्सवात गणपती बाप्पाच्या नैवेद्यासाठी झटपट बनवा पनीरपासून कलाकंद, वाचा रेसिपी

कृती:

• बेसन बर्फी बनवण्यासाठी सर्वप्रथम कढईमध्ये तूप टाकून गरम करून घ्या. तूप गरम झाल्यानंतर गॅस बारीक करून त्यात बेसन पीठ टाका.
• बेसन पीठ मंद आचेवर लाल होईपर्यंत व्यवस्थित भाजून घ्या. पीठ भाजताना ते सतत चमच्याने ढवळत राहा, अन्यथा पीठ कढईला चिटकू शकते.
• साखरेचा पाक बनवण्यासाठी टोपात पाणी घालून पाण्याला उकळी आल्यनंतर त्यात साखर टाकून वितळवून घ्या.
• पाक तयार झाल्यानंतर त्यात वेलची पावडर टाकून मिक्स करा. तयार पाक बेसनाच्या पिठात ओतून मिक्स करा.
• पीठ व्यवस्थित मिक्स करून झाल्यानंतर गॅस बंद करा. बर्फी बनवण्यासाठी ताट किंवा डबा घेऊन त्याला तूप लावा.
• नंतर त्यात काजू, बदामाचे तुकडे आणि केशराच्या काड्या टाकून त्यावर तयार बेसनाचे पीठ टाकून सेट होण्यासाठी ठेवा.
• बर्फी सेट झाल्यानंतर सुरीच्या सहाय्याने कापून सर्व्ह करा.