कडू कारलं आवडत नाही? मग सोप्या पद्धतीमध्ये बनवा कुरकुरीत कारल्याची चटणी, महिनाभर व्यवस्थित टिकून राहील पदार्थ

चवीला कडू असलेली कारली खायला कोणालाच आवडत नाही. अशावेळी तुम्ही कारल्याची चटणी बनवून खाऊ शकता. आंबटगोड चवीची कारल्याची चटणी लहान मुलांसह मोठ्यांसुद्धा खूप आवडेल.

लहान मुलांपासून ते अगदी मोठ्यांपर्यंत अनेकांना कारल्याची भाजी खायला आवडत नाही. कारल्याच्या भाजीचे नाव घेतल्यानंतर लगेच नाक मुरडतात. मात्र आरोग्यासाठी कारल्याची भाजी अतिशय पौष्टिक आणि गुणकारी आहे. भाजीमधील कडवट पणामुळे कारल्याची भाजी कोणालाच खायला आवडत नाही. तर काहींच्या घरात कारल्याची भाजी आणलीच जात नाही. म्हणूनच आज आम्ही तुम्हाला कडवट कारल्याची कुरकुरीत चटणी बनवण्याची सोपी रेसिपी सांगणार आहोत. कारल्याची कुरकुरीत चटणी घरातील लहान मुलांपासून अगदी मोठ्यांपर्यंत सगळ्यांचं खूप आवडेल. औषधी गुणधर्मानी समृद्ध असलेली कारल्याची भाजी मधुमेहाच्या रुग्णांसाठी अतिशय आरोग्यदायी ठरते. या भाजीपासून रस, भाजी किंवा कारल्याचे भरीत बनवले जाते. चला तर जाणून घेऊया कारल्याची चटणी बनवण्याची सोपी रेसिपी.(फोटो सौजन्य – iStock)

Aloo Kachalu Recipe: बिहारचा फेमस चटपटीत स्ट्रीट फूड आता तुमच्या घरी; संध्याकाळच्या नाश्त्यासाठी परफेक्ट

साहित्य:

• कारलं
• शेंगदाणे
• चणा डाळ
• पांढरी उडीद डाळ
• धणे
• कढीपत्ता
• मीठ
• लसूण
• लाल मिरच्या
• चिंच
• हिंग

साधा, सोपा, झटपट नाश्ता! घरी बनवून पाहा Egg Burger; निवडक साहित्यांची गरज अन् 10 मिनिटांतच होतो तयार

कृती:

• कारल्याची चटणी बनवण्यासाठी सर्वप्रथम, कारली स्वच्छ धुवून घ्या. त्यानंतर त्यांच्या आतील बिया काढून कारली बारीक कापा.
• कढईमध्ये तेल गरम करून त्यात शेंगदाणे भाजून घ्या. त्यानंतर त्याच कढईमध्ये चणा डाळ, पांढरी उडीद डाळ, धणे, जिरे, कढीपत्ता, लाल सुक्या मिरच्या, चिंच इत्यादी सर्व साहित्य टाकून भाजून घ्या.
• त्यानंतर त्यात तेल टाकून त्यात लसूण पाकळ्या भाजून घ्या. त्याच कढईमध्ये पुन्हा एकदा कारल्याचे काप टाकून कुरकुरीत होईपर्यंत भाजून घ्या.
• भाजून घेतलेले सर्व साहित्य मिक्सरच्या भांड्यात घेऊन त्यात मीठ टाकून बारीक चटणी वाटून घ्या.
• तयार आहे सोप्या पद्धतीमध्ये बनवलेली कारल्याची चटणी.