Aloo Kachalu Recipe: बिहारचा फेमस चटपटीत स्ट्रीट फूड आता तुमच्या घरी; संध्याकाळच्या नाश्त्यासाठी परफेक्ट

बिहार हे एक असे राज्य आहे जे आपल्या उत्कृष्ट स्ट्रीट फूडसाठी ओळखले जाते. यातीलच एक लोकप्रिय स्ट्रीट फूड म्हणजे आलू कचालू. उन्हाळ्यात याचे भरपूर सेवन केले जाते आणि हा पदार्थ बटाटे, मसाले आणि चटण्यांपासून तयार होतो.

(फोटो सौजन्य: Youtube)

Follow Us:

Follow Us:

भारताच्या विविध भागांत विविध पदार्थ लोकप्रिय आहेत. प्रत्येक पदार्थाची आपली अशी वेगळी ओळख आणि चव… अशात आज आम्ही तुमच्यासाठी बिहारच्या फेमस स्ट्रीट फूडची रेसिपी घेऊन आलो आहोत. हा पदार्थ म्हणजे आलू कचालू! हा एक चटपटीत नाश्त्याला प्रकार आहे जो अनेक वर्षांपासून बिहारच्या रस्त्यांवर विकला जातोय. याची चव इतकी अप्रतिम आहे की आता शहरातही अनेक ठिकाणी हा पदार्थ उपलब्ध असतो. बटाटा आणि चटण्यांच्या संमिश्रणाने हा पदार्थ तयार केला जातो.

भाज्या, मसालेदार सूप आणि नूडल्सचे संमिश्र… तिबेटियन Thukpa कधी ट्राय केलाय का? जाणून घ्या रेसिपी

उन्हाळ्यात याचे अधिक सेवन केले जाते. उकडलेले बटाटे, मसाले, चिंचगुळाची चटणी आणि लिंबाचा रस यामुळे याला एकदम भन्नाट चव येते. संध्याकाळच्या नाश्त्याला काही नवीन आणि टेस्टी, चटपटीत असा पदार्थ शोधत असाल तर ही रेसिपी तुमच्यासाठी एक उत्तम पर्याय आहे. आलू कचालू घरीदेखील अगदी सहज आणि सोप्या पद्धतीने बनवला जाऊ शकतो आणि यासाठी फार वेळेची आणि साहित्याचीही गरज भासत नाही. चला तर मग जाणून घेऊया यासाठी लागणारे साहित्य आणि कृती.

साहित्य

• बटाटे (उकडून सोललेले) – 3 मध्यम
• चिंच-गुळाची चटणी – 3 टेबलस्पून
• हिरवी चटणी (कोथिंबीर-पुदिन्याची) – 2 टेबलस्पून (ऐच्छिक)
• लाल तिखट – 1 टीस्पून
• भाजलेले जिरे पावडर – 1 टीस्पून
• चाट मसाला – 1 टीस्पून
• काळं मीठ – ½ टीस्पून
• साधं मीठ – चवीनुसार
• लिंबाचा रस – 1 टेबलस्पून
• कांदा बारीक चिरून – 1 (ऐच्छिक)
• कोथिंबीर बारीक चिरून – सजावटीसाठी

नेहमीच भाजी काय बनवावी सुचत नाही? मग १० मिनिटांमध्ये झटपट बनवा मसालेदार बटाट्याची भाजी

कृती:

• यासाठी सर्वप्रथम सर्वप्रथम उकडलेले बटाटे मध्यम आकारात फोडींमध्ये कापा
• एका मोठ्या बाऊलमध्ये बटाट्याच्या फोडी घ्या
• त्यात चिंच-गुळाची चटणी, हिरवी चटणी, लाल तिखट, जिरे पावडर, चाट मसाला, काळं मीठ, साधं मीठ आणि लिंबाचा रस घाला
• हे सर्व घटक एकत्र मिक्स करा. बटाट्याच्या फोडींवर सगळे मसाले नीट मिसळून घ्या
• तुम्हाला हवे असल्यास तुम्ही यात बारीक चिरलेला कांदा देखील घालू शकता
• शेवटी यावर बारीक चिरलेली कोथिंबीर घाला आणि चटपटीत आलू कचालू खाण्यासाठी सर्व्ह करा

टीप:

• चिंच-गुळाची चटणी आणि हिरवी चटणी आधीपासून तयार असली तर ही डिश ५ मिनिटांत तयार होते
• जास्त चटपटीत हवी असेल तर थोडं जास्त चाट मसाला आणि लिंबाचा रस घाला
• थंडगार सर्व्ह केल्यास चव आणखीनच वाढते

Web Title: Bihar famous street aloo kachalu recipe in marathi note down the ingredients

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com