कोकणातील पारंपरिक पद्धतीने बनवा चमचमीत काळ्या चण्याची आमटी, गरमागरम भातासोबत लागेल सुंदर चव

संध्याकाळच्या जेवणात गरमागरम भातासोबत खाण्यासाठी कोकणी पद्धतीमध्ये काळ्या चण्याची आमटी उत्तम पर्याय आहे. हा पदार्थ झटपट तयार होतो. जाणून घ्या काळ्या चण्याची आमटी बनवण्याची रेसिपी.

जेवणाच्या ताटात जर भात नसेल तर जेवल्यासारखे वाटत नाही. ताटात भात, डाळ, भाजी, चपाती किंवा भाकरी सगळेच आवडीने खातात. पण कायमच गोडी किंवा तिखट डाळ खाऊन कंटाळा आल्यानंतर काहींना काही नवीन आणि मसालेदार पदार्थ खाण्याची सगळ्यांचं इच्छा होते. थंडीच्या दिवसांमध्ये तिखट पदार्थ आवडीने खाल्लेले जातात. म्हणूनच आज आम्ही तुम्हाला जेवणाची रंगत वाढवण्यासाठी कोकणातील पारंपरिक पद्धतीमध्ये काळ्या चण्याची आमटी कशी बनवावी, याची सोपी रेसिपी सांगणार आहोत. काळे चणे चवीसोबतच आरोग्यासाठी खूप जास्त पौष्टिक असतात. या चण्यांपासून चाट, भाजी, आमटी, टिक्की इत्यादी अनेक पदार्थ बनवले जातात. तिखट चवीची मसालेदार काळ्या चण्याची आमटी गरमागरम भाकरी आणि भातासोबत सुंदर लागते. जेवणात जर काळ्या चण्याची आमटी असेल तर चार घसा जास्त जातात. थंडीच्या दिवसांमध्ये कोकणात आमटी भात किंवा माशांची आमटी इत्यादी पदार्थ आवडीने बनवून खाल्ले जातात. चला तर जाणून घेऊया काळ्या चण्याची आमटी बनवण्याची रेसिपी.(फोटो सौजन्य – pinterest)

लहान बाळांच्या पोषणात पडेल भर! सकाळच्या नाश्त्यात मुलांना खाण्यास द्या पौष्टिक आणि पारंपरिक चवीची नाचणी खिचडी, नोट करा रेसिपी

साहित्य:

• काळे चणे
• लाल तिखट
• कांदा टोमॅटो
• हळद
• आलं लसूण पेस्ट
• लसूण
• कढीपत्ता
• खोबऱ्याचे वाटप
• कढीपत्ता
• तेल
• मीठ
• गरम मसाला
• कोथिंबीर

Winter Recipe : हिवाळ्यात गाजराचा हलवा बनवलात की नाही? जाणून घ्या सोपी रेसिपी

कृती:

• काळ्या चण्याची आमटी बनवण्यासाठी सर्वप्रथम, कुकरमधून काळे चणे शिजवून घ्या. ४ ते ५ शिट्टयांमध्ये चणे व्यवस्थित शिजतील.
• कढईमध्ये तेल गरम करून त्यात हिंग, बारीक ठेचून घेतलेला लसूण आणि बारीक चिरलेला कांदा टोमॅटो घालून शिजवा.
• त्यानंतर त्यात चवीनुसार मीठ टाका. यामुळे कांदा लगेच शिजण्यास मदत होईल. कांदा टोमॅटो शिजण्यासाठी एक वाफ काढून घ्या.
• शिजलेल्या कांद्यामध्ये हळद, लाल तिखट, गरम मसाला, आलं लसूण पेस्ट घालून व्यवस्थित मिक्स करा.
• तेल सुटल्यानंतर त्यात तयार केलेले खोबऱ्याचे वाटप घालून व्यवस्थित भाजून घ्या. यामुळे पदार्थाची चव सुंदर लागेल.
• त्यानंतर त्यात शिजवून घेतलेले चणे आणि आवश्यकतेनुसार पाणी घालून व्यवस्थित मिक्स करा. आमटीला उकळी आल्यानंतर त्यात बारीक चिरलेली कोथिंबीर घालून मिक्स करा.
• तयार आहे झटपट बनवलेली काळ्या चण्याची आमटी. हा पदार्थ गरमागरम भातासोबत सुंदर लागतो.