Winter Recipe : हिवाळ्यात गाजराचा हलवा बनवलात की नाही? जाणून घ्या सोपी रेसिपी

Gajar Halwa Recipe : गाजराचा हलवा म्हणजे हिवाळ्याची आण-बाण-शान, तुम्ही अजूनही घरी हा हलवा बनवला नसेल तर आजची ही रेसिपी तुमच्यासाठीच आहे. सोप्या पद्धतीमध्ये झटपट गाजराचा हलवा कसा तयार करायचा ते जाणून घ्या.

(फोटो सौजन्य – Pinterest)

Follow Us:

Follow Us:

• हिवाळ्यात गाजराचा हलवा बनवणे जणू परंपराच आहे
• गाजर याकाळात फार स्वस्त होतात
• तुम्ही अजूनही गाजराचा हलवा बनवला नसेल तर ही रेसिपी नक्की ट्राय करा

पालक खायला आवडत नाही, मग यापासून बनवा कुरकुरीत आणि चटपटीत चाट; चव चाखाल तर पदार्थाचे फॅन व्हाल

गाजरात भरपूर प्रमाणात व्हिटॅमिन A, फायबर आणि अँटिऑक्सिडंट्स असतात, जे डोळ्यांसाठी, त्वचेसाठी आणि पचनासाठी उपयुक्त ठरतात. दूध आणि सुकामेव्यामुळे या हलव्याचे पोषणमूल्य आणखी वाढते. योग्य प्रमाणात तूप, साखर आणि संयमाने शिजवलेले गाजर यामुळे हलव्याला तो खास रंग, चव आणि सुगंध येतो. आज आपण घरच्या घरी अगदी सोप्या पद्धतीने, पारंपरिक चवीचा गाजराचा हलवा कसा बनवायचा ते पाहूया.

साहित्य

• लाल गाजर – १ किलो (किसलेले)
• फुलक्रीम दूध – १ लिटर
• साखर – १ कप (चवीनुसार कमी-जास्त)
• तूप – ४ ते ५ टेबलस्पून
• वेलची पूड – ½ टीस्पून
• काजू, बदाम – आवडीनुसार (चिरलेले)
• मनुका – २ टेबलस्पून

कृती

• यासाठी सर्वप्रथम गाजर स्वच्छ धुवून सोलून बारीक किसून घ्या.
• जाड बुडाच्या कढईत किसलेले गाजर आणि दूध एकत्र करून मध्यम आचेवर उकळायला ठेवा.
• दूध हळूहळू आटत जाईल आणि गाजर मऊ होतील, अधूनमधून ढवळत राहा.
• दूध पूर्णपणे आटल्यानंतर त्यात तूप घालून चांगले परता.
• आता साखर घालून पुन्हा ढवळा. साखर घातल्यावर हलवा थोडा सैल होईल.
• हलवा पुन्हा घट्ट होईपर्यंत शिजवा आणि त्यात वेलची पूड मिसळा.
• शेवटी काजू, बदाम आणि मनुका घालून हलवा नीट एकजीव करा.
• गरमा गरम गाजराचा हलवा तयार आहे, कुटुंबासोबत याच्या चवीचा आस्वाद घ्या.

Web Title: Winter recipe know how to make gajar halw home recipe in marathi a at

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com