रात्रीच्या जेवणासाठी १० मिनिटांमध्ये बनवा हेल्दी काळ्या चण्यांचे चाट, शरीरातील हाडे राहतील दीर्घकाळ मजबूत

रात्रीच्या जेवणात कायमच तिखट आणि तेलकट पदार्थ खाऊन कंटाळा आल्यास सोप्या पद्धतीमध्ये तुम्ही काळ्या चण्याचे चाट बनवू शकता. हा पदार्थ चवीला अतिशय सुंदर लागतो. जाणून घ्या रेसिपी.

दैनंदिन आहारात खाल्लेल्या पदार्थांचा थेट परिणाम शरीरावर होतो. आहारात तिखट किंवा तेलकट पदार्थ खाल्ल्यानंतर शरीराची पचनक्रिया बिघडण्याची जास्त शक्यता असते. त्यामुळे उन्हाळ्याच्या दिवसांमध्ये दुपारच्या किंवा रात्रीच्या जेवणामध्ये अतिशय हलक्या आणि सहज पचन होणाऱ्या पदार्थांचे सेवन करावे. लहान मुलांपासून ते अगदी मोठ्यांपर्यंत सगळ्यांचं चाट खायला खूप जास्त आवडते. त्यामुळे दुपारच्या किंवा रात्रीच्या जेवणात तुम्ही विविध कडधान्यांपासून चाट बनवू शकता. आज आम्ही तुम्हाला काळ्या चण्यांचे हेल्दी टेस्टी चाट बनवण्याची सोपी रेसिपी सांगणार आहोत. काळ्या चण्यांमध्ये भरपूर फायबर आढळून येते. फायबर युक्त पदार्थांचे सेवन केल्यास शरीराची पचनक्रिया सुरळीत चालू राहते आणि आरोग्य सुधारण्यास मदत होते. तसेच यामध्ये आयर्न, कॅल्शियम, मॅग्नेशियम आणि पोटॅशियम इत्यादी अनेक घटक सुद्धा आढळून येतात. त्यामुळे आठवड्यातून एकदा तरी आहारात काळ्या चण्याचे चाट किंवा काळ्या चण्याची भाजी बनवून खावी. यामध्ये असलेल्या कॅल्शियम आणि मॅग्नेशियममुळे शरीरातील हाडे मजबूत राहतात. चला तर जाणून घेऊया काळ्या चण्याचे चाट बनवण्याची सोपी रेसिपी.(फोटो सौजन्य – pinterest)

उन्हाळयात १० मिनिटांमध्ये सकाळच्या नाश्त्यात बनवा चविष्ट काकडीचे धिरडे, शरीरात टिकून राहील थंडावा

साहित्य:

• शिजवलेले काळे चणे
• रताळ
• चाट मसाला
• लाल तिखट
• लिंबाचा रस
• कांदा
• टोमॅटो
• जिऱ्याची पावडर
• काकडी
• पनीर
• हिरवी मिरची
• कोथिंबीर
• पुदिना
• लिंबू
• तेल

महाराष्ट्राचा चटकदार स्नॅक्स… मसालेदार, खुशखुशीत आणि कुरकुरीत चवीची ‘बाकरवडी’ घरी कशी बनवायची ते जाणून घ्या

कृती:

• काळ्या चण्यांचे हेल्दी चाट बनवण्यासाठी सर्वप्रथम, काळे चणे आणि रताळ शिजवून घ्या. रताळ कुकरमध्ये जास्त शिजवू नये.
• मिक्सरच्या भांड्यात कोथिंबीर, हिरवी मिरची, पुदिना आणि चिंच गर घालून व्यवस्थित मिश्रण मिक्स करून घ्या.
• कढईमध्ये तेल गरम करून त्यात शिजवलेले काळे चणे हलकेसे कुरकुरीत होईपर्यंत शिजवा. त्यानंतर त्यात पनीरचे तुकडे घालून लालसर होईपर्यंत भाजा.
• मोठ्या वाटीमध्ये भाजून घेतलेले चणे, बारीक चिरून घेतलेला कांदा, टोमॅटो, काकडी घालून मिक्स करा.
• त्यानंतर त्यात रताळ्याचे तुकडे, बारीक चिरलेली हिरवी मिरची, तयार केलेली चिंच कोथिंबीर चटणी घालून हलक्या हाताने मसाज करा.
• त्यानंतर त्यात चाट मसाला, लाल तिखट, भाजलेल्या जिऱ्याची पावडर आणि चवीनुसार मीठ घालून मिक्स करा आणि सगळ्यात शेवटी भाजलेले पनीर घाला.
• तयार आहे सोप्या पद्धतीमध्ये बनवलेले हेल्दी टेस्टी काळ्या चण्याचे चाट.