शिल्लक राहिलेल्या ब्रेडपासून १० मिनिटांमध्ये बनवा मऊ रसरशीत गुलाबजाम, श्रावणात बनवा स्पेशल पदार्थ

श्रावण महिन्यातील सणांच्या दिवशी अनेक वेगवेगळे गोड पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये ब्रेडचा वापर करून गुलाबजाम बनवण्याची सोपी रेसिपी सांगणार आहोत.

शिल्लक राहिलेल्या ब्रेडपासून १० मिनिटांमध्ये बनवा मऊ रसरशीत गुलाबजाम

Follow Us:

Follow Us:

सर्वच घरांमध्ये सकाळच्या नाश्त्यासाठी ब्रेड विकत आणले जातात. ब्रेड बटर किंवा ब्रेड चहा खाल्ले जाते. पण बऱ्याचदा विकत आणलेला ब्रेड शिल्लक राहिलेल्या ब्रेडपासून अनेक वेगवेगळे पदार्थ बनवले जातात. ब्रेडपासून ब्रेड रोल, ब्रेड टिक्की आणि काही गोड पदार्थ बनवले जातात. पण आज आम्ही तुम्हाला ब्रेडचा वापर करून १० मिनिटांमध्ये गुलाबजाम बनवण्याची सोपी रेसिपी सांगणार आहोत. गुलाबजाम खायला सगळ्यांचं खूप जास्त आवडत. सणावाराच्या दिवसांमध्ये किंवा इतर कोणत्याही शुभ प्रसंगी घरात गोड पदार्थ बनवला जातो. खवा आणि मैद्याचा वापर करून गुलाबजाम बनवले जातात. श्रावण महिन्याला नुकतीच सुरुवात झाली आहे. या दिवसांमध्ये उपवास केले जातात. उपवासाच्या दिवशी नैवेद्यासाठी नेमकं काय बनवावं? हा प्रश्न सगळ्यांचं पडतो. त्यामुळे श्रावणातील उपवासाच्या दिवशी तुम्ही ब्रेडचे गुलाबजाम बनवू शकता. चला तर जाणून घेऊया ब्रेड गुलाबजाम बनवण्याची सोपी रेसिपी.(फोटो सौजन्य – pintrest)

नाश्त्यात हवा आहे हेल्दी पदार्थ! सोप्या पद्धतीमध्ये बनवा क्रिमी पालक स्मूदी, नोट करा रेसिपी

साहित्य:

• ब्रेड
• साखर
• केशर काड्या
• दूध
• काजूचे तुकडे
• तूप
• वेलची पावडर

कृती:

• ब्रेड गुलाबजाम बनवण्यासाठी सर्वप्रथम, टोपात साखरेचा पाक तयार करण्यासाठी ठेवा. टोपात पाणी घेऊन त्यात साखर टाकून पाक बनवण्यासाठी ठेवा.
• गुलाबजाम बनवण्यासाठी ब्रेडच्या चारही बाजूच्या कडा कापून घ्या. मोठ्या वाटीमध्ये ब्रेड घेऊन कुसकरून घ्या. त्यानंतर त्यात थोडस दूध घालून मिक्स करा.
• ब्रेडमध्ये दूध घातल्यानंतर काहीवेळ ब्रेड बाजूला ठेवा आणि त्यानंतर ब्रेड दुधात मिक्स करा. ब्रेड आणि दुधाचे मिश्रण व्यवस्थित मिक्स झाल्यानंतर गोळा तयार करा.
• तयार केलेल्या पिठाचे छोटे छोटे गोळे करून कढईमधील गरम तुपात दोन्ही दोन्ही बाजूने भाजून घ्या.
• तळून घेतलेले गुलाबजाम साखरेच्या पाकात टाकून काहीवेळा झाकण ठेवून तसेच ठेवा. यामुळे गुलाबजांमध्ये पाक व्यवस्थित मुरेल.
• गुलाबजाम थंड झाल्यानंतर सर्व्ह करताना वरून काजू बदामाचे बारीक बारीक तुकडे करून सर्व्ह करा.

Web Title: How to make bread gulabjam at home shravan special recipe sweet food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com