१० मिनिटांमध्ये झटपट बनवा कुरकुरीत स्वादिष्ट ब्रेड टिक्की, लहान मुलांसह मोठ्यांही आवडेल पदार्थ

लहान मुलं ब्रेडच्या कडा फेकून देतात. पण ब्रेडच्या कडा फेकून न देता तुम्ही त्यापासून टिक्की बनवू शकता. ही टिक्की लहान मुलांच्या डब्यात किंवा सकाळच्या नाश्त्यात तुम्ही बनवू शकता. चला तर जाणून घेऊया ब्रेड टिक्की बनवण्याची र

सकाळच्या नाश्त्यात नेहमीच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. घाईगडबडीच्या वेळी ब्रेड बटर किंवा चहासोबत बिस्कीट आणून खाल्ले जाते. मात्र नेहमीच ब्रेड खाऊन कंटाळा आल्यानंतर तुम्ही ब्रेड टिक्की बनवू शकता. ब्रेड टिक्की बनवण्यासाठी जास्त साहित्य लागत नाही. बऱ्याचदा घरातील लहान मुलं ब्रेड खाऊन ब्रेडच्या बाजूच्या कडा काढून फेकून देतात. मात्र या कडा फेकून न देता तुम्ही त्यापासून अनेक वेगवेगळे पदार्थ बनवू शकता. सकाळच्या नाश्त्यात नेहमीच तेलकट तिखट पदार्थ खाल्यामुळे शरीराला हानी पोहचण्याची शक्यता असते. अपचन किंवा ऍसिडिटीची समस्या वाढल्यानंतर पोटासंबंधित समस्या उद्भवू लागतात. या समस्या उद्भवू नये म्हणून आहारात हेल्दी आणि टेस्टी पदार्थांचे सेवन करावे. यापूर्वी तुम्ही मटार टिक्की, आलू टिक्की किंवा मिक्स भाज्यांपासून बनवलेली टिक्की खाल्ली असेल, मात्र आज आम्ही तुम्हाला ब्रेडची टिक्की बनवण्याची सोपी रेसिपी सांगणार आहोत. चला तर जाणून घेऊया ब्रेड टिक्की बनवण्याची सोपी रेसिपी.(फोटो सौजन्य – iStock)

सकाळच्या नाश्त्यात काही मिनिटांमध्ये बनवा अननस पुदिन्याची स्मूदी, नियमित प्यायल्यास त्वचेवर येईल चमकदार ग्लो

साहित्य:

• ब्रेड
• उकडलेला बटाटा
• मीठ
• लाल तिखट
• चाट मसाला
• हळद
• गरम मसाला
• कांदा
• शिमला मिरची
• लिंबाचा रस
• कोथिंबीर

सकाळचा नाश्ता होईल स्पेशल! कोकणी पद्धतीमध्ये झटपट बनवा नारळाच्या दुधातले पोहे, नोट करून घ्या रेसिपी

कृती:

• ब्रेड टिक्की बनवण्यासाठी सर्वप्रथम, ब्रेडच्या कडा मिक्सरच्या भांड्यात टाकून बारीक वाटून घ्या. याशिवाय त्यात तुम्ही ब्रेडसुद्धा घालू शकता.
• मोठ्या वाटीमध्ये मॅश करून घेतलेला बटाटा, ब्रेडच्या कडांचा चुरा, कोथिंबीर, बारीक करून घेतलेला कांदा घालून मिक्स करून घ्या.
• त्यानंतर त्यात लाल तिखट, हळद, चवीनुसार मीठ, चाट मसाला, लिंबाचा रस, शिमला मिरची घालून मिक्स करून घ्या.
• तयार करून घेतलेले मिश्रण व्यवस्थित मिक्स केल्यानंतर त्याच्या गोलाकार टिक्की बनवून घ्या.
• पॅनमध्ये तेल गरम करून त्यात तयार केलेल्या टिक्की दोन्ही बाजूने व्यवस्थित भाजा. टिक्की कुरकुरीत होईपर्यंत भाजा.
• तयार आहे ब्रेडच्या कडांपासून बनवलेली चविष्ट टिक्की.