पारंपरिक पदार्थांनी वाढवा जेवणाची चव! सोप्या पद्धतीमध्ये घरी बनवा चमचमीत काजूचे कालवण, नोट करून घ्या झटपट होणारी रेसिपी

सुकलेल्या काजूची भाजी चवीला अतिशय सुंदर लागते. घाईच्या वेळी किंवा काहींना काही चमचमीत पदार्थ खाण्याची इच्छा झाल्यास तुम्ही काजूचे कालवण बनवू शकता. चला तर जाणून घेऊया रेसिपी.

उन्हाळ्याच्या दिवसांमध्ये कोकणात मोठ्या प्रमाणावर काजू उपलब्ध असतात. सुकलेले काजू चवीला अतिशय सुंदर लागतात. ठराविक महिन्यांमध्ये बाजारात काजू उपलब्ध असतात. त्यामुळे अनेक लोक ओले काजू गर सुकवून वर्षभरासाठी साठवून ठेवतात. ओल्या काजूंची भाजी सगळ्यांचं खूप जास्त आवडते. गरमागरम भाकरी आणि काजूची भाजी असेल तर जेवणात चार घास जास्त जातात. म्हणूनच आज आम्ही तुम्हाला सुकलेल्या काजूचे कालवण बनवण्याची सोपी रेसिपी सांगणार आहोत. हा पदार्थ कमीत कमी साहित्यामध्ये झटपट तयार होतो. जेवणात कायमच त्याच ठराविक भाज्या खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही काजू मसाला किंवा काजूचे कालवण बनवू शकता. चला तर जाणून घेऊया काजूचे कालवण बनवण्याची सोपी रेसिपी.(फोटो सौजन्य – pinterest)

मराठवाडा स्पेशल रेसिपी! डब्यासाठी झटपट बनवा चविष्ट कुरडई भाजी, पारंपरिक पदार्थाने वाढेल जेवणाची चव

साहित्य:

• काजू
• सुकं खोबर
• लाल तिखट
• कांदा टोमॅटो
• लसूण
• खडे मसाले
• गरम मसाला
• कांदा लसूण मसाला
• कसुरी मेथी
• वेलची
• काळीमिरी पावडर

Winter Soup Recipe : थंडीच्या दिवसांत घरी बनवा गरमा गरम ‘क्रिमी व्हेजिटेबल सूप”; आरोग्यासाठी ठरेल फायदेशीर

कृती:

• काजूचे कालवण बनवण्यासाठी सर्वप्रथम, टोपात गरम पाणी करून गॅस बंद करून घ्या. पाण्यात सुकलेले काजू भिजत घाला.
• कढईमध्ये तेल गरम करून त्यात लसूण, आलं आणि कांदा सोनेरी रंगाचा होईपर्यंत भाजा. त्यानंतर त्याच कढईमध्ये सुकलेले खोबर भाजून घ्या.
• भाजून घेतलेले सर्व साहित्य थंड होण्यासाठी ठेवा. थंड झाल्यानंतर मिक्सरच्या भांड्यात भाजून घेतलेले पदार्थ आणि गरम मसाला घालून वाटप बारीक वाटून घ्या.
• कढईमध्ये तेल गरम करून खडे मसाले, कढीपत्ता, बारीक चिरलेला कांदा टोमॅटो आणि चवीनुसार मीठ घालून व्यवस्थित मिक्स करा.
• मंद आचेवर कांदा टोमॅटो तेलात शिजवून घ्या. शिजल्यानंतर त्यात लाल तिखट, हळद आणि गरम मसाला, कांदा लसूण मसाला घालून तेलात मसाला व्यवस्थित भाजा.
• त्यानंतर त्यात तयार केलेले वाटप टाकून तेलावर भाजून घ्या. मसाला भाजून झाल्यानंतर त्यात ओले काजू आणि आवश्यकतेनुसार पाणी घालून व्यवस्थित मिक्स करा. भाजीला व्यवस्थित उकळी आल्यानंतर गॅस बंद करा.
• तयार आहे सोप्या पद्धतीमध्ये बनवलेले काजूचे कालवण. हा पदार्थ कोकणात प्रामुख्याने बनवला जातो.