रविवार होईल आणखीनच स्पेशल! घाईगडबडीच्या वेळी झटपट बनवा Cheese Potato Toast Sandwich, लहान मुलांसह मोठ्यांनीही आवडेल

लहान मुलांना कायमच चमचमीत पदार्थ खाण्यास हवे असतात. अशावेळी तुम्ही सोप्या पद्धतीमध्ये मुलांसाठी चीज आलू टोस्ट सँडविच बनवू शकता. हा पदार्थ लहान मुलांना खूप जास्त आवडेल.

रविवार म्हणजे सगळ्यांसाठी सुट्टीचा दिवस. या दिवशी घरात लहान मुलांपासून अगदी मोठ्यांपर्यंत सगळेच घरी असतात. सुट्टीच्या दिवशी घरात सगळी कामे अतिशय आरामात केली जातात. पण काहीवेळा रविवारच्या दिवशी कुठेही बाहेर फिरायला जायचा प्लॅन केल्यानंतर खूप जास्त घाई होते. अशावेळी नाश्त्यात नेमकं काय बनवावं, हे बऱ्याचदा सुचत नाही. म्हणूनच आज आम्ही तुम्हाला सोप्या पद्धतीमध्ये चीज आलू टोस्ट सँडविच बनवण्याची सोपी रेसिपी सांगणार आहोत. हा पदार्थ बनवण्यासाठी जास्त वेळ लागत नाही. कमीत कमी साहित्यामध्ये तुम्ही टोस्ट सँडविच बनवू शकता. सकाळी उठल्यानंतर पोटभर नाश्ता केल्यास शरीराला अनेक फायदे होतात. यामुळे संपूर्ण दिवस आनंद आणि उत्साहात जातो. याशिवाय नाश्ता केल्यामुळे दीर्घकाळ पोट भरलेले राहते. चला तर जाणून घेऊया चीज आलू टोस्ट सँडविच बनवण्याची सोपी रेसिपी.(फोटो सौजन्य – istock)

वांग खायला आवडत नाही? मग ‘या’ पद्धतीने बनवा चविष्ट मसालेदार वांग्याची भाजी, चवीला लागेल मस्त

साहित्य:

• ब्रेड
• बटाटा
• कांदा
• टोमॅटो
• शिमला मिरची
• चीज
• आलं लसूण पेस्ट
• लाल तिखट
• गरम मसाला
• चाट मसाला
• मीठ
• बटर

बेकरी स्टाईल खुसखुशीत आणि चवदार ‘आलू पफ पेस्ट्री’ घरी कशी तयार करायची? जाणून घ्या परफेक्ट रेसिपी

कृती:

• आलू टोस्ट सँडविच बनवण्यासाठी सर्वप्रथम, मोठ्या वाटीमध्ये बटाटा मॅश करून घ्या. मॅश केलेल्या बटाट्यामध्ये चवीनुसार मीठ टाका.
• त्यानंतर त्यात कांदा, हिरवी मिरची, आले पेस्ट, कोथिंबीर, गरम मसाला, लाल तिखट, हळद, चाट मसाला आणि जिऱ्याची पावडर घालून व्यवस्थित मिक्स करून घ्या.
• ब्रेडच्या स्लाइसला बटर लावून त्यावर तयार केलेले बटाट्याचे सारण भरून वरून तुमच्या आवडीनुसारकोणतेही चीज टाकून दुसरी ब्रेड स्लाइस ठेवा.
• तवा गरम करून त्यावर तयार केलेला सँडविच ठेवून दोन्ही बाजूने व्यवस्थित कुरकुरीत होईपर्यंत भाजा.
• तयार आहे सोप्या पद्धतीमध्ये बनवलेले चीज आलू टोस्ट सँडविच. हा पदार्थ हिरव्या चटणीसोबत अतिशय सुंदर लागेल.