फादर्स डे निमित्त लाडक्या वडिलांसाठी सोप्या पद्धतीमध्ये घरी बनवा क्रिमी बटरस्कॉच मूस, घरातील सग्ळ्यांनाही नक्कीच आवडेल

शुभ प्रसंगी घरात गोड पदार्थ बनवले जातात. मात्र नेहमीच खीर किंवा शिरा खाऊन कंटाळा आल्यानंतर तुम्ही क्रिमी बटरस्कॉच मूस बनवण्याची सोपी रेसिपी सांगणार आहोत. चला तर जाणून घेऊया.

प्रत्येक व्यक्तीच्या आयुष्यात वडील अतिशय महत्वाचे असतात. वडील मुलांच्या आनंदासाठी सतत काहींना काही करत असतात. दिवसरात्र कष्ट करून मुलांना शिक्षण देणे, त्यांचे पालनपोषण करणे, त्यांचे संगोपन करणे इत्यादी सर्वच जबाबदाऱ्या आईवडिलांकडे असतात. दरवर्षी जून महिन्याच्या तिसऱ्या रविवारी फादर्स डे साजरा केला जातो. वडिलांवरील प्रेम आणि आदर व्यक्त करण्यासाठी मोठ्या उत्साहात फादर्स डे साजरा केला जातो. या दिवशी सर्वच मुलं आपल्या वडिलांना सुंदर भेटवस्तू गिफ्ट देतात. तर वडिलांसाठी छान गोड पदार्थ घेऊन जातात. पण बाहेरील विकतचे पदार्थ आणण्याऐवजी तुम्ही सोप्या पद्धतीमध्ये घरी क्रिमी बटरस्कॉच मूस बनवू शकता. तुम्ही बनवलेला गोड पदार्थ तुमच्या वडिलांना नक्कीच खूप जास्त आवडेल. तुम्ही बनवलेला गोड पदार्थ वडिलांसोबतच घरातील सगळेच लोक आवडीने खातील. चला तर जाणून घेऊया क्रिमी बटरस्कॉच मूस बनवण्याची सोपी रेसिपी.(फोटो सौजन्य – istock)

पालकची भाजी खायला आवडत नाही? मग सोप्या पद्धतीमध्ये लहान मुलांच्या डब्यासाठी बनवा पालक चीज कॉर्न टोस्ट

साहित्य:

• ब्राऊन शुगर
• बटर
• हेवी क्रीम
• मीठ
• व्हॅनिला इसेन्स
• थंड क्रीम
• जिलेटीन
• थंड पाणी

१० मिनिटांमध्ये जेवणात तोंडी लावण्यासाठी झटपट बनवा कढीपत्त्याच्या पानांची चविष्ट चटणी, केसांनाही होतील फायदे

कृती:

• क्रिमी बटरस्कॉच मूस बनवण्यासाठी सर्वप्रथम, पॅन गरम करून त्यात बटर आणि ब्राऊन शुगर टाकून मिक्स करा.
• ३ ते ४ मिनिटं सतत चमच्याने मिक्स करत राहा. यामुळे साखर घट्ट होईल. त्यानंतर त्यात हेवी क्रीम आणि चवीनुसार मीठ घालून मिक्स करा.
• तयार केलेले मिश्रण घट्ट झाल्यानंतर गॅस बंद करून थंड करून घ्या. त्यानंतर त्यात व्हॅनिला इसेन्स टाकून मिक्स करा.
• वाटीमध्ये थंड पाणी घेऊन त्यात जिलेटीन टाकून ५ मिनिटं भिजवा. त्यानंतर पाणी गरम करून घ्या.
• तयार केलेले जिलेटीन बटरस्कॉचच्या मिश्रणात मिक्स करून घ्या. मिक्सरच्या भांड्यात थंड क्रीम घेऊन फेटून घ्या.
• तयार केलेला सॉस फेटलेल्या क्रीममध्ये मिक्स करून घ्या. तयार केलेले मिश्रण काचेच्या बाऊलमध्ये किंवा ग्लासमध्ये ओतून फ्रिजमध्ये सेट होण्यासाठी ठेवा.
• तयार आहे सोप्या पद्धतीमध्ये बनवलेले क्रिमी बटरस्कॉच मूस.