दुपारच्या जेवणातील वरण भातासोबत तोंडी लावण्यासाठी बनवा कुरकुरीत कारल्याचे काप, नोट करा रेसिपी

आज आम्ही तुम्हाला कारल्याचे चविष्ट काप बनवण्याची सोपी रेसिपी सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांच खूप जास्त आवडेल. जाणून घ्या कारल्याचे काप बनवण्याची कृती.

लहान मुलांपासून अगदी मोठ्यांपर्यंत सगळ्यांचं कारल्याची भाजी खायला अजिबात आवडत नाही.कारल्याच्या भाजीचे नाव ऐकल्यानंतर सगळेच नाक मुरडतात. पण आरोग्याच्या दृष्टीने कारल्याची भाजी अतिशय गुणकारी आणि पौष्टिक आहे. यामध्ये असलेले गुणकारी घटक रक्तातील साखर कायमच नियंत्रणात ठेवण्यासाठी कारल्याच्या रसाचे सेवन केले जाते. वाढलेले वजन नियंत्रणात ठेवण्यासाठी अनेक लोक कारल्याच्या भाजीचे सेवन करतात. कारल्याची भाजी झटपट तयार होते. आज आम्ही तुम्हाला जेवणात तोंडी लावण्यासाठी कारल्याचे कुरकुरीत काप बनवण्याची सोपी रेसिपी सांगणार आहोत. कारल्याचे काप चवीला अतिशय सुंदर लागतात. जेवणाच्या ताटात जर कारल्याचे काप असतील तर चार घास जेवण जास्त जाईल. चला तर जाणून घेऊया कुरकुरीत कारल्याचे काप बनवण्याची सोपी रेसिपी.(फोटो सौजन्य – istock)

Healthy Idli Recipe: १० मिनिटांमध्ये सकाळच्या नाश्त्यासाठी बनवा पालक इडली, हिरव्या चटणीसोबत लागेल चविष्ट

साहित्य:

• कारल्याचे काप
• लिंबाचा रस
• लाल तिखट
• गरम मसाला
• हळद
• मीठ
• आलं लसूण पेस्ट
• रवा
• तांदळाचे पीठ
• तेल

सर्दी खोकल्यापासून आराम मिळवण्यासाठी सकाळच्या नाश्त्यासाठी बनवा टोमॅटो सूप, शरीर राहील उबदार

कृती:

• कुरकुरीत कारल्याचे काप बनवण्यासाठी सर्वप्रथम, कारली स्वच्छ धुवून घ्या. त्यानंतर त्याच्या आतील बिया काढा.
• कारल्याचे उभे पातळ काप करून त्यांना मीठ, लिंबाचा रस लावून व्यवस्थित मिक्स करा आणि त्यातील पाणी काढून घ्या. कारल्यातील पाणी काढून टाकल्यामुळे कडूपणा कमी होईल.
• मोठ्या वाटीमध्ये आलं लसूण पेस्ट, लाल तिखट, हळद, चवीनुसार मीठ, गरम मसाला घालून व्यवस्थित मिक्स करून घ्या.
• तयार केलेल्या मिश्रणात कारल्याची काप टाकून व्यवस्थित मिक्स करा. काहीवेळ झाकण मारून कारल्याची काप बाजूला ठेवून द्या.
• ताटात तांदळाचे पीठ आणि रवा, मीठ, लाल तिखट घालून व्यवस्थित मिक्स करा. गरम तव्यावर तेल गरम करण्यासाठी ठेवा.
• मसाला लावून घेतलेली कारली रव्याच्या मिश्रणात घोळवून तेलात फ्राय करण्यासाठी सोडा. दोन्ही बाजूने कुरकुरीत भाजून घ्या