Diwali Special Recipe: भाजणीचा वापर न करता झटपट बनवा कुरकुरीत बटर चकली, काही दिवसांमध्ये होईल फस्त

भाजणीचे पीठ बनवण्यासाठी खूप जास्त वेळ लागतो. अशावेळी तुम्ही सोप्या पद्धतीमध्ये बटर चकली बनवू शकता. हा पदार्थ कमीत कमी साहित्यामध्ये झटपट तयार होतो. जाणून घ्या चकली बनवण्याची रेसिपी.

दिवाळी सणाला सगळेच घाईगडबड असते. कारण दिवाळीचा फराळ, गोड पदार्थ, घरातील साफसफाई इत्यादी गोष्टींमध्ये वेळ कधी निघून जात, हे समजत नाही. फराळातील चकली बनवण्यासाठी खूप जास्त वेळ लागतो. कारण चकली बनवण्यासाठी भाजणीचे पीठ तयार करावे लागते. वेगवेगळी धान्य आमी मसाल्यांचा वापर करून बनवलेल्या भाजणीच्या पिठापासून चकल्या बनवल्या जातात. भाजणीचे पीठ तयार करून पारंपरिक पद्धतीने चकली बनवली जाते. पण काहीवेळा चकलीची भाजणी व्यवस्थित तयार होत नाही आणि चकल्या पूर्णपणे बिघडून जातात. चकल्यांचा शेप बिघडण्यासोबतच तळल्यानंतर चकल्या अतिशय कठीण होऊन जातात. तर काहीवेळा चकलीला बुरशी लागते. म्हणूनच आज आम्ही तुम्हाला कुरकुरीत बटर चकली बनवण्याची सोपी रेसिपी सांगणार आहोत. बटर चकली बनवण्यासाठी कोणत्याही भाजणीच्या पिठाची आवश्यकता लागत नाही. स्वयंपाक घरात असलेल्या पदार्थांपासून चकली तयार होते. जाणून घ्या चकली बनवण्याची सोपी रेसिपी.(फोटो सौजन्य: Pinterest)

सकाळचा नाश्ता होईल आणखीनच मजेदार! सोप्या पद्धतीमध्ये झटपट बनवा मसाला भरलेली स्टफ्ड इडली, नोट करून घ्या रेसिपी

साहित्य:

• बटर
• कलोंजी
• ओवा
• तांदळाचे पीठ
• तेल
• मीठ
• पाणी

हाडांसह संपूर्ण आरोग्यासाठी प्रभावी ठरेल Multivitamin चटणी! नोट करून घ्या चटणी बनवण्याची रेसिपी, तब्येत राहील निरोगी

कृती:

• बटर चकली बनवण्यासाठी सर्वप्रथम, मोठ्या ताटात तांदळाचे पीठ घेऊन त्यात चवीनुसार मीठ, बेकिंग सोडा, बेसन तसेच चिमूटभर हिंग घालून व्यवस्थित मिक्स करा.
• भांड्यात पाणी गरम करण्यासाठी ठेवा. पाण्यात ओवा, बटर, कलोंजी घालून पाण्याला उकळी काढून घ्या. पाण्याला व्यवस्थित उकळी आल्याशिवाय गॅस बंद करू नये.
• उकळी आलेल्या पाण्यात तयार करून घेतलेले तांदळाचे पीठ टाकून वाफवण्यासाठी ठेवा. १५ ते २० मिनिटं पिठाला वाफ काढून घ्या.
• वाफवून घेतलेले पीठ मोठ्या ताटात काढून मळून घ्या. त्यानंतर मळून घेतलेल्या पिठाच्या चकल्या पडून घ्या.
• कढईमधील गरम तेलात चकल्या कुरकुरीत होईपर्यंत तळून घ्या. तयार आहेत सोप्या पद्धतीमध्ये बनवलेल्या बटर चकली.