थंडीत गरमागरम भातासोबत खाण्यासाठी झटपट बनवा चमचमीत दह्याची कढी, पाहताच क्षणी सुटेल तोंडाला पाणी

कायमच डाळभात खाऊन कंटाळा आल्यानंतर तुम्ही सोप्या पद्धतीमध्ये दही किंवा ताकाची आंबटगोड कढी बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल.

थंडीच्या दिवसांमध्ये घरात अनेक वेगवेगळे पदार्थ बनवले जातात. त्यातील सगळ्यांना आवडणारा पदार्थ म्हणजे दह्याची आंबटगोड कढी. कढीचे नाव ऐकल्यानंतर सगळ्यांच्या तोंडाला पाणी सुटते. वेगवेगळ्या पदार्थांचा वापर करून कढी बनवली जाते. टोमॅटोची कढी, आंबट कोकम कढी इत्यादी कढीचे वेगवेगळे प्रकार बनवले जातात. जेवणाच्या ताटात कायमच भातासोबत किंवा चपातीसोबत खाण्यासाठी डाळ किंवा भाजी बनवली जाते. पण सतत तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. आहारात सहज पचन होणाऱ्या पौष्टीक पदार्थांचे सेवन करावे. दह्याच्या कढीचे सेवन केल्यामुळे तोंडाची चव वाढते आणि शरीराला सुद्धा अनेक फायदे होतात. चला तर जाणून घेऊया गरमागरम दह्याची कढी बनवण्याची सोपी रेसिपी.(फोटो सौजन्य – pinterest)

रेस्टोरंटसारखा मऊ आणि तुपात भाजलेला तंदुरी नान आता बनवा घरीच; तंदूरची गरज नाही, तव्यावरच होईल तयार

साहित्य:

• ताक
• बेसन पीठ
• हिरवी मिरची
• आलं लसूण पेस्ट
• कढीपत्ता
• तूप
• मोहरी
• हिंग
• जिरं
• साखर
• कोथिंबीर

जेवणाची चव वाढवा; हिवाळ्यात लिंबाचं लोणचं नाही बनवलत तर काय केलं… नोट करा रेसिपी

कृती:

• दह्याची कढी बनवण्यासाठी तुम्ही दही किंवा ताक दोन्हीपैकी कोणताही पदार्थ वापरू शकता.
• टोपात ताक घेऊन त्यात दोन चमचे बेसन पीठ घालून व्यवस्थित मिक्स करून घ्या. ताकामध्ये अजिबात गुठळ्या ठेवू नये.
• टोपात तूप गरम करून त्यात हिंग, मोहरी आणि कढीपत्त्याची पाने आणि जिरं घालून भाजा. नंतर त्यात बारीक कुटून घेतलेला लसूण, आलं आणि हिरवी मिरची घालून लाल होईपर्यंत भाजा.
• सर्व पदार्थ व्यवस्थित भाजल्यानंतर त्यात हळद आणि चवीनुसार मीठ घालून मिक्स करा. त्यानंतर त्यात ताक ओतून आवश्यकता वाटल्यास पाणी घाला.
• दह्याची कढी फुटू नये म्हणून मंद आचेवर गॅस ठेवून सतत चमच्याने ढवळत राहा. कढीला उकळी येईपर्यंत सतत मिश्रण मिक्स करत राहा.
• सगळ्यात शेवटी कढीमध्ये बारीक चिरलेली कोथिंबीर घालून व्यवस्थित मिक्स करून घ्या.
• तयार आहे सोप्या पद्धतीमध्ये बनवलेली दह्याची आंबटगोड कढी. हा पदार्थ घरातील सगळ्यांचं खूप जास्त आवडेल.