Curry Leaves Chutney: रोजच्या जेवणात नियमित करा चमचा कढीपत्त्याच्या चटणीचे सेवन, केसांची होईल झपाट्याने वाढ

Curry Leaves Chutney: जेवणाची चव वाढवण्यासाठी कढीपत्त्याचा वापर केला जातो. रक्तातील साखरेची पातळी नियंत्रणात ठेवण्यापासून ते अगदी शरीरातील खराब कोलेस्ट्रॉल कमी करण्यासाठी कढीपत्ता फायदेशीर ठरतो. चला तर जाणून घेऊया कढीपत्त्याच्या पानांची चटणी बनवण्याची रेसिपी.

Curry Leaves Chutney: भारतीय स्वयंपाकघरात कढीपत्त्याच्या पानांचा वापर आवर्जून केला जातो. भाज्यांची चव वाढवण्यासाठी कढीपत्ता जेवणात घातला जातो. कढीपत्त्याचा सुगंध आणि चव पदार्थांची रंगत वाढवतो. त्यामुळे जेवण बनवता कढीपत्त्याचा पानांचा वापर करावा. लहान मुलांसह मोठेसुद्धा जेवणात टाकलेला कढीपत्ता बाजूला काढून टाकतात. पण असे न करता कढीपत्त्याच्या पानांचे सेवन करावे. यामध्ये असलेले अँटिऑक्सिडंट्स शरीरातील खराब कोलेस्ट्रॉल कमी करतात. रिकाम्या पोटी ताजी कढीपत्त्याची पाने चावून खाल्ल्यास रक्तातील साखरेची पातळी नियंत्रणात राहण्यास मदत होते. याशिवाय केसांच्या वाढीसाठी कढीपत्ता गुणकारी मानला जातो. कढीपत्ता खाल्ल्यामुळे केस मजबूत होतात, केस गळणे थांबते आणि केसांच्या वाढीस प्रोत्साहन मिळते. त्यामुळे कच्चा कढीपत्ता खाण्याऐवजी या पद्धतीने बनवलेली कढीपत्त्याच्या पानांची चटणी खावी. हा पदार्थ बनवण्यासाठी जास्त साहित्य लागत नाही. कमीत कमी साहित्यात कढीपत्त्याच्या पानांची चटणी तयार होते.(फोटो सौजन्य – istock)

Healthy Salad Recipe: डाएट करणाऱ्यांसाठी स्पेशल रेसिपी! पेरूपासून झटपट बनवा टेस्टी हेल्दी सॅलड, सगळेच खातील आवडीने

साहित्य:

• कढीपत्ता
• शेंगदाणे
• तीळ
• सुक्या लाल मिरच्या
• सुकं खोबर
• लसूण
• जिरं
• मीठ

Recipe : विकेंडसाठी खास, अशाप्रकारे बनवा कुरकुरीत आणि टेस्टी ‘चिकन पकोडा’ ‘

कृती:

• कढीपत्त्याची चटणी बनवण्यासाठी, कढीपत्ता स्वच्छ धुवून घ्या. धुवून घेतलेला कढीपत्ता ताटात व्यवस्थित पसरवून ठेवा, ज्यामुळे लवकर सुकेल.
• गरम करुन त्यात मंद आचेवर कढीपत्ता भाजून घ्या. त्याच कढईमध्ये शेंगदाणे, तीळ, सुक्या लाल मिरच्या, सुकं खोबरं, लसूण, जिरं मंद आचेवर वेगवेगळ भाजा.
• भाजलेले साहित्य एका ताटात काढून पूर्णपणे थंड होण्यासाठी ठेवा. थंड झाल्यानंतर मिक्सर भांड्यात ओतून चवीनुसार मीठ घाला आणि चटणी वाटून घ्या.
• तयार केलेली चटणी एअरटाईट कंटेनरमध्ये भरून ठेवा. कढीपत्ता चटणी इडली, डोसा, डाळ-भात, भाकरीसोबत सुद्धा चविष्ट लागते.