व्यायाम करुन वजन कमी होत नाहीये? मग सकाळच्या नाश्त्यात प्या झिरो ऑइल पारंपरिक पद्दतीने बनवलेले गरमागरम शेवगा-दुधीचे सूप

Food Recipe: वजन कमी करण्यासाठी अनेक वेगवेगळे उपाय केले जातात. सप्लिमेंट, तासंतास उपाशी राहणे, गोळ्यांचे सेवन करण्याऐवजी आहारात झिरो ऑइल पारंपरिक पद्दतीने बनवलेल्या शेवगा-दुधी सूपचे सेवन करावे. यामुळे शरीराला खूप जास्त फायदे होतात.

Food Recipe: वाढलेले वजन कमी करण्यासाठी व्यायाम, डाएट, सप्लिमेंट, तासंतास उपाशी राहणे, गोळ्यांचे सेवन, वजन कमी करण्याची इनजेक्शन सुद्धा घेतले जातात. पण चुकीच्या पद्धतीने वजन कमी केल्यास शरीरावर त्याची वाईट परिणाम होऊ शकतात. त्यामुळे वजन कमी करण्यासाठी केवळ व्यायाम करणे पुरेसे नसून आहारात बदल करणे सुद्धा तितकेच आवश्यक आहे. वजन कमी करताना विविध प्रकारच्या सूपचे सेवन करावे. आज आम्ही तुम्हाला तेलाचा अजिबात वापर न करता शेवगा-दुधीचे गरमागरम सूप बनवण्याची सोपी रेसिपी सांगणार आहोत. सकाळच्या नाश्त्यात फायबरयुक्त भाज्यांचे सेवन करावे. फायबरयुक्त पदार्थांचे सेवन केल्यामुळे पोटावर वाढलेला चरबीचा घेर कमी होण्यास मदत होते. दुधीभोपळ्यामध्ये पाण्याचे प्रमाण खूप जास्त असते. तर शेवग्याच्या शेंगाचा आहारात नियमित समावेश केल्यास वजन कमी होण्यासोबतच शरीराला आवश्यक पोषक सुद्धा मिळतील. शेवगा-दुधीचे सूप बनवण्यासाठी जास्त वेळ लागत नाही. कमीत कमी साहित्यात तुम्ही सूप बनवू शकता. चला तर जाणून घेऊया रेसिपाी.(फोटो सौजन्य – pinterest)

Curry Leaves Chutney: रोजच्या जेवणात नियमित करा चमचा कढीपत्त्याच्या चटणीचे सेवन, केसांची होईल झपाट्याने वाढ

साहित्य:

• दुधीभोपळा
• शेवग्याच्या शेंगा
• मीठ
• लसूण
• आलं
• काळीमिरी
• कोथिंबीर
• हिरवी मिरची
• जिरं
• मूगडाळ
• धणे – जिरे पावडर

Black Raisins: काळ्या मनुका खाल्यामुळे खरचं वजन कमी होत का? जाणून घ्या मनुका खाण्याची योग्य पद्धत आणि वेळ

कृती:

• शेवगा-दुधीचे गरमागरम सूप बनवण्यासाठी, भाज्या पाण्याने स्वच्छ धुवून घ्या. त्यानंतर भाज्यांचे मध्यम आकारात तुकडे करा.
• खोलगट भांड्यात पाणी गरम करण्यासाठी ठेवा. पाण्याला उकळी आल्यानंतर त्यात लसणाच्या पाकळ्या, आल्याचा तुकडा आणि दुधीभोपळ्याचे तुकडे, कोथिंबीर, भिजवलेली मूगडाळ घालून सर्व पदार्थ शिजवून घ्या.
• मूगडाळ शिजल्यानंतर पाण्यात शेवग्याच्या शेंगा घालून उकळण्यासाठी ठेवा. शिजवून घेतलेले सर्व साहित्य थंड करण्यासाठी ठेवा.
• थंड झाल्यानंतर मिश्रण एका मिक्सरच्या भांड्यात घालून वाटून घ्या आणि तयार केलेले मिश्रण गाळून घ्यावे.
• तयार केलेली पेस्ट भांड्यात ओतून घ्या आणि आवश्कतेनुसार पाणी घालून उकळी येण्यासाठी ठेवून द्या.
• पेस्ट मध्यम घट्ट झाल्यानंतर त्यात काळीमिरी पावडर, जिरं , हिरवी मिरची, कोथिंबीर, चवीनुसार मीठ घालून उकळवून घ्या.
• तयार आहे झिरो ऑइल पारंपरिक पद्दतीने बनवलेले शेवगा-दुधीचं गरमागरम सूप. हे सूप बनवताना तेलाचा आजिबात वापर केला जात नाही.