गणपती बाप्पाच्या नैवेद्यासाठी झटपट बनवा चविष्ट ड्रायफ्रूट खीर, पाहताच क्षणी तोंडाला सुटेल पाणी

गणपती बाप्पाच्या नैवेद्यासाठी कायमच वेगवेगळे पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये ड्रायफ्रूट खीर बनवण्याची सोपी रेसिपी सांगणार आहोत.

गणपती बाप्पाचे ढोल ताशाचा गजरात आगमन झाले. बाप्पा घरी आल्यानंतर सगळीकडे आनंदाचे वातावरण असते. बाप्पाच्या सहवासात १० दिवस लगेच निघून जातात. काहींच्या घरी दीड दिवस तर काहींच्या घरी अगदी गणेश चतुर्थीपर्यंत बाप्पा असतात. गणपती बाप्पाचे आगमन झाल्यानंतर १० दिवस घरात वेगवेगळ्या पदार्थांचा नैवेद्य बनवला जातो. कधी मोदक तर कधी गोडच शिरा बनवून नैवैद्य दाखवले जाते. पण आज आम्ही बाप्पाच्या नैवेद्यासाठी चविष्ट ड्रायफ्रूट खीर बनवण्याची सोपी रेसिपी सांगणार आहोत. ड्रायफ्रूट खायला सगळ्यांचं खूप जास्त आवडतात. काजू, बदाम, अक्रोड इत्यादी पदार्थांचे सेवन केल्यामुळे शरीराला अनेक फायदे होतात. या पदार्थांच्या सेवनामुळे पोट दीर्घकाळ भरलेले राहते. चला तर जाणून घेऊया ड्रायफ्रूट खीर बनवण्याची सोपी रेसिपी.(फोटो सौजन्य: Pinterest)

Ganesh Chaturthi 2025 : पारंपरिकतेला आधुनिकतेचा ट्विस्ट; चॉकलेटपासून आइस्क्रीमपर्यंत यंदा बाप्पासाठी तयार करा 5 हटके फ्युजन मोदक

साहित्य:

• शेवया
• ड्रायफ्रूट
• तूप
• दूध
• मनुका
• केशर
• साखर
• वेलची पावडर

गौराईच्या नैवेद्यासाठी दुधापासून झटपट बनवा चविष्ट दूधपुआ, पारंपरिक पदार्थ वाढवतील सणांची शोभा

कृती:

• ड्रायफ्रूट खीर बनवण्यासाठी सर्वप्रथम, कढईमध्ये तूप गरम करून घ्या. त्यानंतर त्यात सर्व ड्रायफ्रूट टाकून व्यवस्थित भाजा.
• ड्रायफ्रूट काढून नंतर त्यात बारीक शेवया भाजून घ्या. शेवया मंद आचेवर भाजाव्यात. यामुळे पदार्थाची चव सुंदर लागते.
• भाजून घेतलेल्या शेवयांमध्ये १ लिटर गरम केलेले दूध टाकून व्यवस्थित मिक्स करा आणि शिजण्यासाठी ठेवा.
• शेवया शिजल्यानंतर त्यात वेलची पावडर आणि जायफळ पावडर घालून मिक्स करा आणि नंतर त्यात भाजून घेतलेले ड्रायफ्रूट टाकून व्यवस्थित मिक्स करा.
• २ ते ३ मिनिट गॅस मंद आचेवर ठेवून खीर व्यवस्थित शिजण्यासाठी ठेवा.
• तयार आहे सोप्या पद्धतीमध्ये बनवलेली ड्रायफ्रूट खीर. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल.