Mahashivratri 2025: महाशिवरात्रीच्या उपवासात दिवसभर शरीरातील ऊर्जा टिकून राहण्यासाठी बनवा सुकामेवा सॅलड

महाशिवरात्रीच्या दिवशी अनेक महिला उपवास करतात. मात्र उपवासाच्या दिवशी काय खावं? हा प्रश्न सगळ्यांचं पडतो. अशावेळी तुम्ही सोप्या पद्धतीमध्ये ड्रायफ्रूट सॅलड बनवू शकता. जाणून घ्या सॅलड बनवण्याची सोपी रेसिपी.

यंदाच्या वर्षी 26 फेब्रुवारीला महाशिवरात्री उत्सव साजरा केला जाणार आहे. महाशिवरात्री उत्सव राज्यासह देशभरात मोठ्या आनंदात आणि थाटामाटात साजरा केला जातो. महाशिवरात्रीच्या दिवशी शंकराची मनोभावे पूजा केली जाते. शिवाय अनेक महिला या दिवशी उपवास करतात. तसेच शंकराला बेल, दूध इत्यादी पदार्थ अर्पण केले जातात. उपवास केल्यानंतर फळे, साबुदाण्याची खिचडी, बटाट्याची भाजी इत्यादी पदार्थ खाल्ले जातात. तर अनेक महिला उपवासाच्या दिवशी जास्त पदार्थ खाणे टाळतात. त्यामुळे आज आम्ही तुम्हाला महाशिवरात्रीच्या उपवासात सुकामेवा सॅलड बनवण्याची सोपी रेसिपी सांगणार आहोत. सुकामेवा खाल्यामुळे पोट दीर्घकाळ भरलेले राहत. याशिवाय या पदार्थाचे सेवन केल्यामुळे संपूर्ण दिवस आनंद आणि उत्साहात जातो. चला तर जाणून घेऊया सुकामेवा सॅलड बनवण्याची सोपी रेसिपी.(फोटो सौजन्य – iStock)

Mahashivratri 2025: महाशिवरात्रीनिमित्त महाराष्ट्रातील ‘या’ ज्योतिर्लिंगांना आवर्जून भेट द्या; इथे मिळेल मनःशांती

साहित्य:

• कलिंगड
• सफरचंद
• केळी
• बदाम
• चिकू
• अक्रोड
• तुम्हाला आवडणारी इतर फळे

पास्ता लव्हर्ससाठी खास! आता बनवून पहा रेस्टॉरंट स्टाईल पिंक सॉस पास्ता, झटपट रेसिपी

कृती:

• सुकामेवा सॅलड बनवण्यासाठी सर्वप्रथम, सर्व फळे स्वच्छ धुवून घ्या. त्यानंतर सर्व फळांचे बारीक तुकडे करा.
• मोठ्या बाऊलमध्ये कापून घेतलेले सफरचंद, केळी, चिकू, कलिंगड इत्यादी सर्व फळे एकत्र करून घ्या.
• त्यानंतर त्यात भिजवून साल काढून घेतलेले बदाम आणि अक्रोड टाकून मिक्स करा.
• सगळ्यात शेवटी तयार करून घेतलेल्या सॅलडमध्ये काजू टाकून मिक्स करा.
• तयार आहे सोप्या पद्धतीमध्ये बनवलेले सुकामेवा सॅलड. हे सॅलड तुम्ही इतर वेळी सकाळच्या नाश्त्यात सुद्धा खाऊ शकता. यामुळे तुमचे पोट दीर्घकाळ भरलेले राहील.