लहान मुलांच्या डब्यासाठी झटपट बनवा दुधी भोपळ्याची मसालेदार काप

सतत बाहेरचे आणि प्रक्रिया केलेले अन्नपदार्थ खाल्यामुळे लहान मुलांचे आरोग्य बिघडण्याची शक्यता असते. लहान मुलांच्या वाढीसाठी त्यांना आहारात पालेभाज्या किंवा इतर फळ भाज्यांचे सेवन करण्यास द्यावे.

लहान मुलांना डब्यात काय खायला द्यावं हा प्रश्न सर्वच पालकांना नेहमीच पडतो. अशावेळी मुलांना अनेकदा पालक बाहेरून विकत आणलेले पदार्थ किंवा सॉस देतात. पण सतत बाहेरचे आणि प्रक्रिया केलेले अन्नपदार्थ खाल्यामुळे लहान मुलांचे आरोग्य बिघडण्याची शक्यता असते. लहान मुलांच्या वाढीसाठी त्यांना आहारात पालेभाज्या किंवा इतर फळ भाज्यांचे सेवन करण्यास द्यावे. पण पालेभाज्या किंवा भाज्या पाहिल्यानंतर सर्वच मुलं नाक मुरडतात. भाज्या खाण्यास नकार देतात. पण भाज्यांचे सेवन न केल्यामुळे मुलांच्या शरीराचा विकास होत नाही. त्यामुळे आज आम्ही तुम्हाला दुधी भोपळ्यची काप बनवण्याची सोपी रेसिपी सांगणार आहोत. तुम्ही बनवलेली दुधीची काप मुलं आवडीने खातील. चला तर जाणून घेऊया दुधीची मसालेदार काप बनवण्याची सोपी रेसिपी.(फोटो सौजन्य-istock)

साहित्य:

• दुधी भोपळा
• लाल तिखट
• हळद
• चवीनुसार मीठ
• तेल
• ओवा
• दही
• बेसन
• तांदळाचे पीठ
• कढीपत्याची पाने

हे देखील वाचा: बद्धकोष्ठतेपासून सुटका मिळवण्यासाठी 8 स्मूदी रेसिपी

कृती:

• दुधीची मसालेदार काप बनवण्यासाठी वाटीमध्ये दही घेऊन त्यात हळद, मीठ, लाल तिखट, गरम मसाला टाकून मिक्स करून घ्या.
• त्यानंतर तयार केलेल्या मिश्रणामध्ये कढीपत्त्याची बारीक पाने टाकून मिक्स करून घ्या.
• दुधी भोपळा स्वच्छ धुवून त्याचे पातळ गोलाकार तुकडे करून घ्या.
• दुसऱ्या वाटीमध्ये बेसन, तांदळाचे पीठ, हळद , लाल तिखट, मीठ घालून पुन्हा एकदा मिश्रण व्यवस्थित मिक्स करा.
• पॅनमध्ये तेल गरम करण्यासाठी ठेवा. तयार केलेल्या दह्याच्या मिश्रणामध्ये दुधीचे काप टाकून नंतर ते काप तांदळाच्या पिठामध्ये बुडवून तेलात फ्राय करण्यासाठी सोडा.
• दोन्ही बाजूने फ्राय करून झाल्यानंतर तयार दुधीचे काप काढून घ्या.
• तयार केलेले काप तुम्ही लहान मुलांना डब्यात चपातीसोबत देऊ शकता.