नाश्त्यामध्ये काहीतरी आरोग्यदायी पदार्थ हवा आहे? मग १० मिनिटांमध्ये झटपट बनवा अंड्याचा पॅनकेक रोल, नोट करा रेसिपी

आज आम्ही तुम्हाला सोप्या पद्धतीमध्ये अंड्याचे पॅनकेक रोल बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या रेसिपी.

सकाळच्या नाश्त्यात कायमच हेल्दी पदार्थांचे सेवन करावे. कारण दीर्घकाळ उपाशी राहिल्यामुळे आरोग्य बिघडण्याची जास्त शक्यता असते. त्यामुळे सकाळच्या नाश्त्यात पोटभर नाश्ता करावा. नाश्ता केल्यामुळे संपूर्ण दिवस आनंद आणि उत्साहात जातो. सकाळच्या नाश्त्यात कायमच कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. म्हणूनच आज आम्ही तुम्हाला सोप्या पद्धतीमध्ये अंड्याचा पॅनकेक रोल बनवण्याची सोपी रेसिपी सांगणार आहोत. हा पदार्थ मांसाहारी लोकांसाठी उत्तम आहे. व्यायाम करून आल्यानंतर नेहमीच उकडलेली अंडी खाण्याऐवजी अंड्यांपासून बनवलेले वेगवेगळे पदार्थ खावेत. लहान मुलांच्या डब्यासाठी सुद्धा तुम्ही अंड्याचे पॅनकेक रोल्स बनवू शकता. चला तर जाणून घेऊया अंड्याचा पॅनकेक रोल बनवण्याची सोपी रेसिपी.(फोटो सौजन्य – istock)

Summer Special : उन्हाळ्यात घरी बनवा कॅफे स्टाईल ‘माॅकटेल’, चवीसोबतच शरीरालाही ठेवेल हायड्रेट

साहित्य:

• अंडी
• कांदा
• टोमॅटो
• हिरवी मिरची
• मीठ
• तेल
• टॅपिओका पीठ
• मैदा
• चीज
• पाणी

रक्ताची कमतरता भरून काढण्यासाठी जेवणात करा आवळा-गाजर चटणीचा समावेश, डोळ्यांचे विकार होतील दूर

कृती:

• अंड्याचा पॅनकेक रोल बनवण्यासाठी सर्वप्रथम, मोठ्या भांड्यात मैदा, टॅपिओका पीठ, मिरची आणि मीठ व्यवस्थित मिक्स करून घ्या.
• त्यानंतर त्यात गरजेनुसार पाणी घालून मिश्रण तयार करा. त्यानंतर तयार केलेल्या मिश्रणात बारीक चिरलेला कांदा घालून मिक्स करा.
• त्यानंतर पॅनमध्ये तेल गरम करून घ्या. त्यावर तयार केलेले मिश्रण ओतून हलकेसे शिजल्यानंतर त्यात अंड फोडून टाकावे.
• सगळीकडे अंड पसरवून अंड शिजल्यानंतर त्यावर चीजचे तुकडे ठेवून चमच्याने अंड्याचा रोल करून घ्या.
• तयार आहे सोप्या पद्धतीमध्ये बनवलेले अंड्याचे पॅनकेक रोल.