महिलांच्या सर्व आजारांवर गुणकारी उपाय जवसाची चटणी! हाडांच्या वेदना, बद्धकोष्ठता होईल कमी

वाढत्या वयात महिलांनी स्वतःच्या आरोग्याची जास्त काळजी घ्यावी. यासाठी आहारात जवसाच्या चटणीचे सेवन करावे. जवस चटणी खाल्यामुळे हाडांमध्ये वाढलेल्या वेदना कमी होतात. जाणून घ्या जवस चटणी बनवण्याची सोपी रेसिपी.

वयाच्या चाळीशीमध्ये महिलांच्या शरीरात सतत काहींना काही बदल होत असतात. मासिक पाळीत उद्भवणाऱ्या समस्या, कामाचा वाढलेला तणाव, चेहऱ्यावर येणारे पिगमेंटेशन इत्यादी अनेक समस्या उद्भवू लागतात. याशिवाय कामाच्या धावपळीमध्ये महिला स्वतःच्या आरोग्याची योग्य काळजी घेत नाहीत. शरीरात सतत दिसणाऱ्या लक्षणांकडे दुर्लक्ष केले जाते. मात्र असे न करता आरोग्याची जास्त काळजी घ्यावी. महिलांच्या आरोग्यासाठी जवसाच्या बिया अतिशय प्रभावी ठरतात. या बियांचे सेवन केल्यामुळे हाडांमधील वाढलेल्या वेदना कमी होतात. याशिवाय शरीरात अनेक सकारात्मक बदल दिसून येतात. म्हणूनच आज आम्ही तुम्हाला सोप्या पद्धतीमध्ये जवसाची चटणी बनवण्याची सोपी रेसिपी सांगणार आहोत. जवसाची चटणी खाल्यामुळे पचनक्रिया सुधारते, हाडांमधील वेदना कमी होतात, केस गळणे कमी होईल, याशिवाय त्वचा अधिक सुंदर आणि चमकदार दिसू लागते. चला तर जाणून घेऊया जवसाची चटणी बनवण्याची सोपी रेसिपी.(फोटो सौजन्य – pinterest)

१० मिनिटांमध्ये झटपट बनवा चविष्ट टोमॅटो चटणी! पराठा-चपातीसोबत लागेल सुंदर, नोट करा रेसिपी

साहित्य:

• जवस
• शेंगदाणे
• तीळ
• मीठ
• सुक खोबर
• कढीपत्ता
• चणा डाळ
• लसूण
• लाल मिरची
• मिरची पावडर
• चाट मसाला

ओव्हनचा वापर न करता सकाळच्या नाश्त्यासाठी काही मिनिटांमध्ये बनवा तवा पिझ्झा, लहान मुलांसह मोठ्यांनाही खूप आवडेल

कृती:

• जवसाची चटणी बनवण्यासाठी सर्वप्रथम, चाळणीच्या सहाय्याने संपूर्ण जवस चाळून घ्या. त्यानंतर वाटीमध्ये पाणी घेऊन जवस भिजत ठेवा.
• जवसांमधील पाणी काढून घ्या. त्यानंतर कढई गरम करून त्यात जवस व्यवस्थित भाजून घ्या. खमंग जवस भाजल्यानंतर चटणीची चव आणखीनच सुंदर लागेल.
• भाजून घेतलेले जवस काढून घ्या. त्यानंतर पॅनवर शेंगदाणे, तीळ, खोबरे, कढीपत्ता, डाळ, जिरे, लसूण आणि लाल मिरच्या वेगवेगळ्या करून भाजून घ्या.
• भाजलेले सर्व साहित्य थंड करून घ्या. त्यानंतर मिक्सरच्या भांड्यात भाजलेले पदार्थ टाकून बारीक पावडर तयार करा.
• तयार केलेल्या मिश्रणात चवीनुसार मीठ आणि लाल तिखट घालून पुन्हा एकदा मिक्सरमधून फिरवा.
• त्यानंतर हवा बंद डब्यात भरून ठेवा. तयार आहे सोप्या पद्धतीमध्ये बनवलेली जवस चटणी.