रात्रीच्या जेवणात तोंडी लावण्यासाठी बनवा हिरव्यागार ओल्या लसणाच्या पातीचा ठेचा, वाचा सोपी रेसिपी

लसूण आरोग्यासाठी अतिशय पौष्टिक आहे. लसूण खाल्यामुळे आजारांपासून शरीराचा बचाव होतो. थंडीच्या दिवसांमध्ये बाजारात ओल्या लसूणची पात उपलब्ध असते. या लसूणच्या पातीपासून झणझणीत ठेचा नक्की बनवून पहा, जाणून घ्या रेसिपी.

थंडीच्या दिवसांमध्ये रात्रीच्या जेवणात सगळ्यांचं झणझणीत पदार्थ खाण्याची इच्छा होते. अशावेळी अनेकदा घरी असलेला ओल्या मिरचीचा ठेचा खाल्ला जातो. मात्र नेहमी नेहमी तेच तेच पदार्थ खाऊन कंटाळा आल्यानंतर काहींना काही झणझणीत आणि तिखट खाण्याची इच्छा होते. तेव्हा तुम्ही घरी ओल्या लसणीच्या पतीचा ठेचा बनवू शकता. बाजारात थंडीच्या दिवसांमध्ये सर्व हिरव्या भाज्या उपलब्ध असतात.त्यामुळे या दिवसांमध्ये लसूणची पात सहज उपलब्ध होते. लसूणच्या पातीपासून अनेक वेगवेगळे पदार्थ बनवले जातात. त्यामुळेच आज आम्ही तुम्हाला लसूणच्या ओल्या पातीपासून झणझणीत ठेचा बनवण्याची सोपी रेसिपी सांगणार आहोत. संध्याकाळच्या जेवणात जर ओल्या लसूणच्या पातीचा ठेचा असेल तर जेवणात दोन घास जास्त जातील आणि जेवण जेवल्यासारखे वाटेल. चला तर जाणून घेऊया ओल्या लसणाच्या पातीचा ठेचा बनवण्याची सोपी कृती.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• ओल्या लसूणची पात
• हिरवी मिरची
• मीठ
• तेल
• शेंगदाणे
• कोथिंबीर

नवनवीन रेसिपीसाठी इथे क्लिक करा

कृती:

• ओल्या लसूणच्या पातीचा ठेचा बनवण्यासाठी सर्वप्रथम, लसूण आणि पात वेगळी करून स्वच्छ धुवून घ्या.त्यानंतर बारीक चिरा.
• कढईमध्ये तेल गरम करण्यासाठी ठेवा. गरम तेलात शेंगदाणे, जिरं, धणे, चवीनुसार मीठ आणि हिरव्या मिरच्या टाकून व्यवस्थित भाजून घ्या.
• सर्व साहित्य चमच्याने मिक्स करून 5 मिनिटं मंद आचेवर शिजवून घ्या.
• नंतर त्यात बारीक चिरलेली कोथिंबीर आणि लसूणाची पात टाकून मिक्स करून घ्या.
• सर्व मिश्रण शिजवून झाल्यानंतर थंड करून घ्या. खलबत्यामध्ये थंड झालेले मिश्रण घेऊन बारीक कुटून घ्या.
• तयार आहे लसूणीच्या पातीचा हिरवागार झणझणीत ठेचा.