Ganeshotsav 2026: बाप्पाच्या नैवेद्यासाठी काहीतरी खास हवंय? मग नक्कीच ट्राय करा झटपट तयार होणारा बदाम शिरा

Ganeshotsav 2026: बाप्पाच्या प्रसादासाठी तुम्ही झटपट तयार होणारा बदामाचा शिरा बनवू शकता. हा पदार्थ कमीत कमी साहित्यात झटपट तयार होतो आणि चव सुद्धा मस्त लागते. चला तर जाणून घेऊया बदाम शिरा बनवण्याची सोपी रेसिपी.

Ganeshotsav 2026: गणपती बाप्पाच्या आगमनाला अवघे काही तास शिल्लक राहिले आहेत. बाप्पाच्या स्वागताची मोठ्या जलौषात तयारी केली जात आहे. सगळीकडे बाप्पा येणाचा मोठा उत्साह आहे. गणपती बाप्पाची मनोभावे पूजा करून नैवेद्य दाखवला जातो. बाप्पाच्या आगमनानंतर ६ दिवस वेगवेगळ्या पदार्थांचा नैवेद्य दाखवला जातो. त्यामुळे झटपट तुम्ही बदामाचा शिरा बनवू शकता. सुंदर सोनेरी रंग, तुपाचा दरवळ आणि बदामाची चव शिऱ्याची शोभा वाढवते. बदाम केवळ चवीसाठीच नाहीतर शरीरासाठी सुद्धा खूप जास्त फायदेशीर आहेत. नैवेद्यात कायमच तेच ठराविक पदार्थ बनवले जाते.त्यामुळे बाप्पाच्या प्रसादासाठी नेहमीच नवनवीन पदार्थ बनवावेत. चला तर जाणून घेऊया बदाम शिरा बनवण्याची सोपी रेसिपी.(फोटो सौजन्य – pinterest)

Ganeshotsav 2026: गणपती बाप्पाच्या नैवेद्यासाठी कोकणातील पारंपरिक पद्धतीने बनवा रस-शिरवळे, नोट करून घ्या रेसिपी

साहित्य:

• बदाम
• वेलची पावडर
• तूप
• सुका मेवा
• दूध
• साखर
• रवा
• केशर

Ganeshotsav 2026: कोकणातील प्रत्येक घरात नैवेद्यासाठी आवर्जून बनवली जाते ‘या’ पदार्थाची कोशिंबीर, नोट करून घ्या पारंपरिक पदार्थ

कृती:

• बदामाचा शिरा बनवण्यासाठी सर्वप्रथम, कोमट पाण्यात अर्धा वाटीभर बदाम भिजवत ठेवा. २ तास बदाम भिजल्यानंतर त्याची साल काढून मिक्सरच्या भांड्यात टाकून बारीक पेस्ट बनवा.
• कढईमध्ये तूप गरम करून त्यात अर्धा वाटी रवा घालून लालसर होईपर्यंत भाजा. रवा मंद आचेवर भाजावा. यामुळे रवा कढईला चिकटत नाही.
• त्यानंतर त्यात बदामाची पेस्ट घालून मंद आचेवर भाजा. रवा आणि बदामाचे मिश्रण एकत्र व्यवस्थित करून झाल्यानंतर त्यात गरम करून घेतलेले दूध ओतून मिक्स करा.
• त्यानंतर मिश्रणावर झाकण ठेवून एक वाफ काढून रवा शिजवून घ्या. त्यानंतर त्यात तुमच्या आवडीनुसार साखर घालून व्यवस्थित मिक्स करा.
• सगळ्यात शेवटी तुपात भाजलेला सुका मेवा, केशर काड्या आणि वेलची पावडर घालून व्यवस्थित मिक्स करून घ्या.
• तयार आहे बाप्पाच्या नैवेद्यासाठी बनवलेला शाही बदामाचा शिरा.