डब्यात कायम त्याच ठराविक भाज्या खाऊन कंटाळा आला असेल तर झटपट बनवा गवारीचा झणझणीत ठेचा, नोट कर चटकदार रेसिपी

गरमागरम भाकरीसोबत खाण्यासाठी तुम्ही झणझणीत गवार ठेचा बनवू शकता. हा पदार्थ बनवण्यासाठी खूप कमी साहित्य लागते. जाणून घ्या झणझणीत गवार ठेचा बनवण्याची सोपी रेसिपी.

जेवणात कायमच डाळभात, भाजी चपाती खाऊन सगळ्यांचं कंटाळा येतो. प्रत्येकालाच चमचमीत आणि टेस्टी पदार्थ खायला खूप आवडतात. झणझणीत आणि मसालेदार पदार्थ चवीला अतिशय सुंदर लागतात. डब्यासाठी कायमच भेंडी, गवार, कोबी, फ्लॉवर इत्यादी ठराविक भाज्या बनवल्या जातात. त्यातील अनेकांना न आवडणारी भाजी म्हणजे गवार. गवारचे नाव ऐकल्यानंतर लहान मुलांसह मोठ्यांना सुद्धा खायला अजिबात आवडत नाही. म्हणूनच आज आम्ही तुम्हाला गावरान पद्धतीमध्ये झणझणीत गवार ठेचा बनवण्याची सोपी रेसिपी सांगणार आहोत. गवार ठेचा भाकरी किंवा चपतीसोबत अतिशय सुंदर लागतो. ग्रामीण भागात भाजी बनवण्याचा कंटाळा आल्यानंतर शेंगदाणे किंवा हिरव्या मिरच्यांचा ठेचा बनवून खाल्ला जातो. कमीत कमी साहित्यात तुम्ही झटपट गवार ठेचा बनवू शकता. चला तर जाणून घेऊया गवार ठेचा बनवण्याची सोपी रेसिपी.(फोटो सौजन्य – pinterest)

Breakfast Recipe: सकाळच्या नाश्त्यासाठी झटपट बनवा हेल्दी पालक मूगडाळीचे आप्पे, दीर्घकाळ पोट राहील भरलेले

साहित्य:

• गवार
• हिरवी मिरची
• शेंगदाणे
• लसूण
• फिक्या हिरव्या मिरच्या
• मीठ
• जिरं
• कोथिंबीर

१५ मिनिटांमध्ये सकाळच्या नाश्त्यासाठी बनवा साऊथ इंडियन बेन्ने डोसा, नोट करून घ्या पारंपरिक रेसिपी

कृती:

• झणझणीत गवार ठेचा बनवण्यासाठी सर्वप्रथम, गवार स्वच्छ साफ करून पाण्याने धुवून घ्या. त्यानंतर पॅनमध्ये तेल गरम करून त्यात गवार भाजा.
• पॅनमध्ये पुन्हा एकदा तेल घालून गरम करा. त्यात शेंगदाणे, लसूण पाकळ्या, हिरव्या मिरच्या, फिक्या हिरव्या मिरच्या भाजा.
• थंड झालेली गवार खलबत्यामध्ये घेऊन बारीक कुटून घ्या. त्यानंतर भाजून घेतलेले इतर साहित्य, चवीनुसार मीठ, जिरं आणि कोथिंबीर घालून पुन्हा एकदा ठेचा बारीक करा.
• तयार केलेला ठेचा गरम करण्यासाठी तव्यावर तेल घालून गरम करा. गरम तेलात जिरं आणि बारीक ठेचून घेतलेला ठेचा घालून हलकासा भाजा.
• तयार आहे सोप्या पद्धतीमध्ये बनवलेला झणझणीत गवार ठेचा. हा ठेचा आठवडाभर व्यवस्थित टिकून राहील.