दिवसाची सुरुवात करा हेल्दी पदार्थाने! नाश्त्यामध्ये बनवा हिरव्या वाटण्याचे पौष्टीक सूप, वाचा सोपी रेसिपी

थंडी सुरु झाल्यानंतर नाश्त्यात अनेक घरांमध्ये सूप बनवले जाते. सूप बनवण्यासाठी कमी साहित्य आणि कमी वेळ लागतो. त्यामुळे आज आम्ही तुम्हाला हिरव्या वाटण्याचे सूप बनवण्याची सोपी रेसिपी सांगणार आहोत.

थंडीच्या दिवसांमध्ये बाजारात हिरवे वाटाणे मोठ्या प्रमाणावर उपलब्ध असतात. हिरवे वाटाणे आरोग्यासाठी अतिशय पौष्टीक आहेत. चवीला गोड असलेल्या वाटाण्यांपासून अनेक वेगवेगळे पदार्थ बनवले जातात. तसेच मटारपासून कचोरी, पुलाव, कटलेट इत्यादी अनेक पदार्थ बनवले जातात. घरातील लहान मुलांपासून मोठ्यांपर्यंत सगळ्यांचं मटार ही भाजी खूप आवडते. त्यामुळे आज आम्ही तुम्हाला हिरव्या वाटण्याचे पौष्टीक सूप बनवण्याची सोपी रेसिपी सांगणार आहोत. हिवाळ्याच्या दिवसांमध्ये तेलकट किंवा तिखट पदार्थ खाण्याऐवजी पौष्टिक आणि हेल्दी पदार्थांचे सेवन करावे. ज्यामुळे आरोग्याला फायदे होतील. अनेकदा सकाळच्या नाश्त्यामध्ये नेमकं काय बनवावं हा प्रश्न पडल्यानंतर महिला खूप विचार करतात. पण तरीसुद्धा काय बनवावं हे सुचत नाही. अशावेळी तुम्ही झटपट सूप बनवू शकता. चला तर जाणून घेऊया हिरव्या वाटण्याचे सूप बनवण्याची सोपी रेसिपी.(फोटो सौजन्य-istock)

साहित्य:

• मटार
• कांदा
• बटर
• मैदा
• दूध
• पाणी
• मीठ
• काळीमिरी पावडर
• क्रीम
• पुदिन्याची पाने

नवनवीन रेसिपीसाठी इथे क्लिक करा

कृती:

• सूप बनवण्यासाठी सर्वप्रथम, मटारचे दाणे काढून थंड पाण्याने स्वच्छ धुवून घ्या. त्यानंतर मटारच्या 5 ते 6 साली घेऊन त्या सुद्धा स्वच्छ धुवा.
• कढईमध्ये बटर गरम करून त्यात कांदा आणि मटार टाकून व्यवस्थित परतून घ्या.
• त्यानंतर त्यात पुदिना, धुतलेल्या साली, मीठ व दोन कप पाणी घालून व्यवस्थित शिजवून घ्या.
• शिजवून थंड करून झाल्यानंतर मिक्सरमधून बारीक वाटून गाळून घ्या.
• गाळून घेतलेले मिश्रण कढईमध्ये ओतून त्यात मैदा व दुधाची पेस्ट घालून व्यवस्थित मिक्स करा.
• सूपला उकळी आल्यानंतर त्यात काळीमिरी पावडर आणि फ्रेश क्रीम टाकून व्यवस्थित मिक्स करा.
• तयार आहे सोप्या पद्धतीमध्ये बनवलेले हिरव्या वाटण्याचे सूप.