पेरू पिकून नरम झाले आहेत? मग घरी बनवा आंबटगोड पेरु कँडी, लहान मुलं होतील खुश

बाजारातून विकत आणलेला पेरू जास्त पिकल्यानंतर खाण्याची इच्छा होत नाही. अशावेळी तुम्ही पेरूपासून कँडी बनवू शकता. तुम्ही बनवलेली पेरू कँडी लहान मुलांसह मोठ्यांसुद्धा खूप आवडेल. जाणून घेऊया पेरू कँडी बनवण्याची सोपी रेसिपी.

चवीला आंबट गोड असलेले पेरू सगळ्यांचं खूप आवडतात. पेरू खाल्यामुळे शरीराला अनेक फायदे होतात. हिवाळ्यासह इतर सर्वच ऋतूंमध्ये बाजारात पेरू उपलब्ध असतात. पेरूपासून ज्युस, सरबत किंवा इतर गोड पदार्थ बनवले जातात. बाजारातून घरी पेरू विकत आणल्यानंतर ते लगेच पिकतात. पिकलेले पेरू नरम झाल्यानंतर खाण्याची इच्छा होत नाही. अशावेळी पेरू फेकून दिले जातात किंवा मग पोपटाला खाण्यासाठी दिला जातो. पण पिकलेला पेरू फेकून देण्याऐवजी तुम्ही पेरूपासून आंबट गोड पेरु कँडी बनवू शकता. तुम्ही बनवलेली पेरू कँडी लहान मुलांसह मोठ्यांना खुप आवडते. चला तर जाणून घेऊया पेरू कँडी बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

पेरू खाल्यामुळे आरोग्याला अनेक फायदे होतात. पेरूमध्ये असलेल्या गुणधर्मांमुळे त्वचा आणि केससंबंधित समस्या कमी होण्यास मदत होते. तसेच लहान मुलांना सतत बाहेरून गोळ्या किंवा चॉकलेट आणून देण्यापेक्षा घरी बनवलेली होममेड कँडी खाण्यास द्यावी. पेरूपासून बनवलेले पदार्थ अधिककाळ चांगले टिकून राहतात. शिवाय तुम्ही पदार्थ बाहेर फिरायला गेल्यानंतर प्रवासामध्ये सुद्धा खाऊ शकता. चला तर जाणून घेऊया पेरू कँडी बनवण्याची सोपी रेसिपी.

साहित्य:

• पेरू
• साखर
• बटर
• आयसिंग शुगर किंवा पिठीसाखर

नवनवीन रेसिपीसाठी इथे क्लिक करा

कृती:

• पेरू कँडी बनवण्यासाठी सर्वप्रथम पेरू स्वच्छ करून घ्या. त्यानंतरण त्याचे बारीक बारीक तुकडे करा.
• कापून घेतलेले पेरूचे तुकडे चाळणीमध्ये ठेवून हलकेसे वाफवा. जास्त वाफ पेरूला काढू नये.
• वाफवलेले पेरू थंड झाल्यानंतर मिक्सरच्या भांड्यात टाकून त्यांची बारीक पेस्ट तयार करा.
• तयार केलेली पेस्ट गाळणीमध्ये ओतून व्यवस्थित गाळून घ्या.
• पॅनमध्ये तयार केलेली पेरूची पेस्ट आणि साखर मिक्स करून शिजण्यासाठी ठेवा. पेरूची पेस्ट शिजत आल्यानंतर त्यात बटर टाकून पुन्हा एकदा व्यवस्थित मिक्स करा.
• पेरूची पेस्ट जाडसर घट्ट झाल्यानंतर गॅस बंद करून तयार मिश्रण काचेच्या भांड्यात काढून घ्या आणि पसरवा.
• मिश्रण थंड झाल्यानंतर सुरीच्या साहाय्याने तुम्हाला हवे त्या आकाराचे तुकडे करून आयसिंग शुगर किंवा पिठीसाखरमध्ये पेरू कँडी घोळवून घ्या.
• तयार आहे सोप्या पद्धतीमध्ये बनवलेली आंबटगोड पेरु कँडी.