नागपंचमीनिमित्त घर बनवा सुगंधी हळदीच्या पानांतील पातोळ्या, सणासुदीला हवा पारंपरिक पदार्थाचा गोडवा

नागपंचमीनिमित्त कोकणातील प्रत्येक गावी हळदीच्या पानांतील पातोळ्या बनवल्या जातात. ओल खोबर आणि गुळाचा वापर करून बनवलेला पदार्थ चवीला अतिशय सुंदर लागतो. जाणून घ्या पारंपरिक हळदीच्या पातोळ्या बनवण्याची सोपी रेसिपी.

संपूर्ण देशभरात नागपंचमी मोठ्या आनंदात साजरा केली जाते. पहाटे लवकर उठून नाग देवतांची पूजा करून गोड पदार्थांचा नैवेद्य दाखवला जातो. तसेच यादिवशी घरात अनेक वेगवेगळे पारंपरिक पदार्थ बनवले जातात. या पदार्थांची चव अतिशय सुंदर लागते. पुरणाचे दिंडे, गव्हाची खीर, खीर आणि पुरी इत्यादी अनेक पदार्थ बनवले जातात. यासोबतच नागपंचमीनिमित्त कोकणातील प्रत्येक गावी हळदीच्या पानांचा वापर करून पातोळ्या बनवल्या जातात. पावसाळ्याच्या दिवसांमध्ये हळदीची लागवड केली जाते. त्यानंतर हळूहळू हळदीचे पाने सगळीकडे दिसू लागतात. श्रावण महिन्यात येणारा पहिला सण म्हणजे नागपंचमी. त्यामुळे यादिवशी कोकणात हळदीच्या पानांचा वापर करून पातोळ्या बनवल्या जातात. पातोळ्या बनवताना हळदीच्या पानांचा येणारा सुगंध खवय्यांच्या पोटातील भूक वाढवतो. आज आम्ही तुम्हाला सोप्या पद्धतीमध्ये हळदीच्या पानातील पातोळ्या बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – @konkani_thali Instagram)

चविष्ट सारण अन् कुरकुरीत ब्रेड… यंदाच्या पावसाळ्यात ‘ब्रेड पकोडा’ बनवून खाल्ला की नाही? सोपी रेसिपी नोट करा

साहित्य:

• तांदळाचे पीठ
• मीठ
• गूळ
• तूप
• ओल खोबर
• वेलची पावडर
• जायफळ पावडर
• हळदीची पाने

श्रावणातील उपवासाच्या दिवशी घरी बनवा कुरकुरीत रताळ्याचे काप, घरातील सगळ्यांचं आवडेल पदार्थ

कृती:

• हळदीच्या पानांतील पातोळ्या बनवण्यासाठी सर्वप्रथम, टोपात पाणी गरम करण्यासाठी ठेवा. पाण्याला उकळी आल्यानंतर त्यात वाटीभर तांदळाचे पीठ आणि चवीनुसार मीठ टाकून मिक्स करा.
• पीठ व्यवस्थित मिक्स करून झाल्यानंतर एक वाफ येण्यासाठी झाकून ठेवा. ५ मिनिटांनी गॅस बंद करून घ्या.
• कढईमध्ये तूप गरम करून त्यात ओल्या खोबऱ्याचा किस टाकून मंद आचेवर भाजा. त्यानंतर त्यात गूळ टाकून व्यवस्थित मिक्स करून घ्या.
• गूळ पूर्णपणे वितळल्यानंतर त्यात वेलची पावडर आणि जायफळ पावडर टाकून खोबऱ्याचे सारण तयार करून घ्या.
• हळदीच्या पानांचे दोन तुकडे करून पाने स्वच्छ धुवून घ्या. पाने कोरडी करण्यासाठी चाळणीमध्ये ठेवा.
• तांदळाचे पीठ थंड झाल्यानंतर मऊसूत मळून घ्या आणि वरून थोडस तूप लावून व्यवस्थित पुन्हा एकदा मळून घ्या.
• हळदीच्या पानांना तेल लावून त्यावर तयार केलेल्या तांदळाच्या पिठाचा गोळा ठेवून सगळीकडे एक समान पसरवून त्यावर तयार केलेले सारण भरून पान फोल्ड करून घ्या. अशाप्रकारे सर्व पातोळ्या तयार करा.
• टोपातील पाणी गरम झाल्यानंतर त्यावर तयार केलेल्या पातोळ्यांची चाळणी ठेवा आणि वरून घट्ट झाकण ठेवा. १५ मिनिटं पातोळ्या व्यवस्थित शिजवून घ्या.
• तयार आहेत सोप्या पद्धतीमध्ये बनवलेल्या हळदीच्या पानातील पातोळ्या.