Kalakand Recipe : मऊ, तोंडात घालताच विरघळणारा हलवाई स्टाईल ‘कलाकंद’ घरी बनवायचाय? मग ही रेसिपी नोट करा

Sweet Dish : मऊ, गोड चवीचा कलाकंद कुणाला खायला आवडत नाही. अनेकदा आपण बाजारातून ही मिठाई विकत आणतो पण घरातच फ्रेश तयार केलेल्या कलाकंदची चव काही न्यारीच असते. मुख्य म्हणजे या रेसिपीसाठी फार निवडक साहित्यांची गरज लागते.

• कलाकंद ही भारताची पारंपारिक मिठाई आहे.
• गोड, मऊ चवीची ही मिठाई लहानांपासून मोठ्यांपर्यंत सर्वांनाच खायला फार आवडते.
• सोप्या पद्धतीने तुम्ही या रेसिपीला घरीच तयार करु शकता.

भारतीय मिठाईंमध्ये कलाकंद हा एक अतिशय लोकप्रिय आणि पारंपरिक गोड पदार्थ मानला जातो. दुधाचा समृद्ध स्वाद, हलकी दाणेदार टेक्स्चर आणि तोंडात विरघळणारी गोडी यामुळे कलाकंद अनेकांच्या आवडीचा असतो. सण-उत्सव, वाढदिवस किंवा खास पाहुणचारासाठी ही मिठाई उत्तम पर्याय ठरते. बाजारातील कलाकंद चविष्ट असला तरी घरच्या घरी बनवलेला ताजा कलाकंद अधिक शुद्ध आणि मनाला समाधान देणारा असतो.

Recipe : मैद्यापासून नाही तर गव्हाच्या पिठापासून घरी बनवा कुरकुरीत मठरी, झटपट तयार होईल रेसिपी

ही रेसिपी बनवण्यासाठी फार अवघड साहित्य लागत नाही. दूध, पनीर आणि साखर यांच्या मदतीने अगदी कमी वेळात सुंदर कलाकंद तयार करता येतो. वरून पिस्ता किंवा बदाम घातल्यामुळे त्याची चव आणि आकर्षकपणा आणखी वाढतो. चला तर मग, घरच्या घरी मऊ आणि स्वादिष्ट कलाकंद कसा बनवायचा याची रेसिपी जाणून घेऊया.

साहित्य

• 1 लिटर फुल फॅट दूध
• 200 ग्रॅम पनीर
• अर्धा कप साखर
• 1/2 टीस्पून वेलची पूड
• 1 टेबलस्पून तूप
• सजावटीसाठी पिस्ता आणि बदाम काप

पिझ्झा, बर्गर खाऊन कंटाळा आला असेल तर सोप्या पद्धतीमध्ये झटपट बनवा चीझ गार्लिक ब्रेड , नोट करून घ्या रेसिपी

कृती

• सर्वप्रथम जाड बुडाच्या पातेल्यात दूध गरम करण्यासाठी ठेवा. मध्यम आचेवर सतत हलवत दूध अर्धे होईपर्यंत उकळा.
• पनीर हाताने हलके चुरून घ्या. दूध घट्ट व्हायला लागल्यावर त्यात चुरलेले पनीर घाला.
• हे मिश्रण सतत ढवळत राहा, जेणेकरून ते पातेल्याला चिकटणार नाही. मिश्रणाला हलकी दाणेदार टेक्स्चर येऊ द्या.
• आता त्यात साखर घाला आणि पुन्हा नीट मिसळा. साखर वितळल्यावर मिश्रण थोडे सैल होईल, पण काही मिनिटांनी पुन्हा घट्ट होऊ लागेल.
• मिश्रण घट्ट झाल्यावर त्यात वेलची पूड घाला. यामुळे कलाकंदाला सुंदर सुगंध येतो.
• एका ताटाला किंवा ट्रेला तूप लावून तयार मिश्रण त्यात ओता. चमच्याच्या मदतीने समान पसरवा.
• वरून पिस्ता आणि बदाम काप घालून हलके दाबा. पूर्ण थंड झाल्यावर 1 तास फ्रिजमध्ये ठेवा आणि नंतर चौकोनी तुकडे कापा.
• घरचा ताजा आणि स्वादिष्ट कलाकंद सर्व्ह करण्यासाठी तयार आहे.