हिवाळ्यात सांध्यांच्या वेदनांपासून मिळेल कायमची सुटका! आहारात करा भरपूर कॅल्शियम असलेल्या अळशी लाडूचा समावेश
Flaxseed Recipe: थंडीच्या दिवसांमध्ये शरीरात अनेक बदल होत असतात. या बदलांमुळे अशक्तपणा, थकवा, हाडांमध्ये वेदना, सांधे दुखी इत्यादी अनेक समस्या उद्भवतात. या सर्व त्रासांपासून सुटका मिळवण्यासाठी डॉक्टरांच्या सल्ल्याने गोळ्या औषधांचे सेवन केले जाते. पण वारंवार गोळ्या खाणे शरीरासाठी अजिबात चांगले नाही. त्यामुळे आहारात वेगवेगळ्या पौष्टिक पदार्थांचे सेवन करावे. शरीराला आतून उबदार, निरोगी आणि ताकदवान ठेवण्यासाठी नियमित एक अळशीच्या बियांपासून बनवलेला लाडू खावा. लाडू खाल्ल्यामुळे शरीराला आवश्यक पोषण मिळेल. अळशीच्या बियांमध्ये ओमेगा-३ फॅटी अॅसिड, फायबर, लोह, कॅल्शियम आणि अॅंटी-ऑक्सिडंट्स इत्यादी अनेक घटक असतात. यामुळे शरीराची रोगप्रतिकारशक्ती सुधारण्यासोबतच शरीरातील हाडे मजबूत होतात. चला तर जाणून घेऊया अळशीचे लाडू बनवण्याची सोपी रेसिपी.(फोटो सौजन्य – pinterest)






