सकाळच्या नाश्त्यासाठी १० मिनिटांमध्ये बनवा ‘हाय प्रोटीन सॅलड’,जाणून घ्या रेसिपी

सकाळी उठल्यानंतर घरातील लहान मुलांचा डब्बा, ऑफिसचा डब्बा, नाश्त्यातील पदार्थ इत्यादींमुळे खूप जास्त घाई होते. अश्या घाईच्या दिवशी नेमकं काय करावं असा प्रश्न जर तुम्हाला असेल तर या पद्धतीने नाश्त्यासाठी हाय प्रोटीन सॅलड नक्की बनवून पहा. हे सॅलेड बनवण्यासाठी फार कमी वेळ लागतो. तसेच कमीत कमी साहित्यामध्ये हाय प्रोटीन सॅलड बनवले जाते.

सकाळच्या वेळी सगळ्यांचा ऑफिस आणि इतर ठिकाणी जाण्याची घाई असते. घाईच्या वेळी नाश्त्यामध्ये नेमकं काय बनवावं हा प्रश्न सर्वच महिलांना पडतो. कारण सकाळी उठल्यानंतर घरातील लहान मुलांचा डब्बा, ऑफिसचा डब्बा, नाश्त्यातील पदार्थ इत्यादींमुळे खूप जास्त घाई होते. अश्या घाईच्या दिवशी नेमकं काय करावं असा प्रश्न जर तुम्हाला असेल तर या पद्धतीने नाश्त्यासाठी हाय प्रोटीन सॅलड नक्की बनवून पहा. हे सॅलेड बनवण्यासाठी फार कमी वेळ लागतो. तसेच कमीत कमी साहित्यामध्ये हाय प्रोटीन सॅलड बनवले जाते. सॅलेड बनवण्यासाठी मूग, मटकी इत्यादी इतर कडधान्यांचा वापर केला जातो. या पदार्थांमध्ये प्रथिने आणि विटामिन, कॅल्शियम इत्यादी अनेक घटक आढळून येतात. चला तर जाणून घेऊया हाय प्रोटीन सॅलड बनवण्याची सोपी कृती. (फोटो सौजन्य-istock)

साहित्य:

• मोड आलेले मिक्स कडधान्य
• शेंगदाणे
• संत्र
• अर्धे लिंबू
• चाट मसाला
• मनुका
• अक्रोडाचे तुकडे
• आले व मिरची ठेचा
• कोथिंबीर

हे देखील वाचा: ‘चुटकीभर’ हिंगाचे डोंगराएवढे फायदे

कृती:

• हाय प्रोटीन सॅलड बनवण्यासाठी सर्वप्रथम एक वाटी मोड आलेल्या कडधान्यांना एक वाफ काढून घ्या.
• त्यानंतर त्यातील पाणी काढून वाफ आलेली कडधान्य वाटीमध्ये काढून घ्या.
• नंतर त्यात अक्रोडाचे तुकडे, शेंगदाणे, मनुका घालून चमच्याने मिक्स करून घ्या.
• चाट मसाला, मीठ, लिंबाचा रस आणि आलं लसूण मिरचीचा ठेचा टाकून पुन्हा एकदा मिक्स करून घ्या.
• सर्व मिश्रण व्यवस्थित मिक्स करून झाल्यानंतर सगळ्यात शेवटी त्यात संत्र्याच्या फोडी टाकून मिक्स करा.
• तयार आहे कमीत कमी साहित्यामध्ये बनवलेले हाय प्रोटीन सॅलड.