हॉटेल सारखा लच्छा पराठा घरी कसा तयार करायचा? एक एक पदर होईल वेगळा… अवघ्या १५ मिनिटांची रेसिपी

अनेक हॉटेल्समध्ये सर्व्ह होणारा लच्छा पराठा हा मेन्यूतील स्टार पदार्थ आहे. भरगच्च पदरांनी भरलेला हा कुरकुरीत पराठा प्रत्येक भाजीसोबत लज्जतदार लागतो. चला याला घरी कसं तयार करायचं ते जाणून घेऊया.

पराठा हा एक असा पदार्थ आहे जो लहानांपासून मोठ्यांपर्यंत सर्वांनाच खायला फार आवडतो. पराठा अनेक वेगवेगळ्या प्रकारे बनवला जातो आणि यातीलच एक लोकप्रिय आणि सर्वांच्या आवडीचा पदार्थ म्हणजे लच्छा पराठा. हा पराठा इतर पराठ्यांहून जरा वेगळा असतो. “लच्छा” म्हणजे थर, आणि या पराठ्याच्या प्रत्येक घासात तुम्हाला त्या थरांचा अनुभव येतो. याला बनवण्याची पद्धत जरा वेळखाऊ असली तरी याची चव मात्र या सर्व कष्टांना तोडीस तोड उत्तर देते.

चवीलाच काय तर बनवायलाही सोपी आहे मंचूरियन चिली; कुटुंबाला खुश करा आणि यंदा घरीच ट्राय करा ही रेसिपी

तुम्ही कोणत्याही भाजीसोबत हा लच्छा पराठा खाण्यासाठी सर्व्ह करू शकता. हा पराठा मैद्यापासून तयार केला जातो आणि बहुतेक हॉटेल्समध्ये तो सर्व्ह होतो. हा भारतीय पदार्थ तुम्ही भाजीसोबत खाल तर त्याची चव तुमच्या तोंडात अक्षरशः रेंगाळत राहील. अनेकांना वाटते की लच्छा पराठा घरी तयार करणं फार कठीण आहे मात्र असं काहीच नाही. तुम्ही फार सहज आणि झटपट हा लच्छा पराठा घरी तयार करू शकता. चला लगेच नॉट करूयात याची रेसिपी.

साहित्य

• मैदा (गव्हाच्या पिठानेही चालतो) – २ कप
• मीठ – ½ टीस्पून
• साखर – ½ टीस्पून
• तेल / तूप – २ टेबलस्पून (मळण्यासाठी)
• पाणी – लागेल तेवढं (पीठ मळण्यासाठी)
• साजूक तूप – थर लावण्यासाठी आणि भाजताना
• कोरडं पीठ – लाटण्यासाठी

सकाळच्या नाश्त्यात काकडी आणि ओल्या खोबऱ्यापासून झटपट बनवा मऊसूत डोसा, दिवसाची सुरुवात होईल मस्त

कृती

• एका परातीत मैदा, मीठ, साखर आणि २ टेबलस्पून तेल घालून मिसळा. नंतर थोडं थोडं पाणी घालून मऊसर पीठ मळा. झाकून १५-२० मिनिटांसाठी बाजूला ठेवा.
• पीठ थोडं मळून छोटे गोळे तयार करा.
• प्रत्येक गोळा लाटून पातळ पोळी करा. त्यावर थोडंसं तूप लावा आणि वरून थोडं कोरडं पीठ शिंपा.
• आता पोळीला पंख्यासारख्या पट्ट्यांमध्ये (स्ट्रिप्स) फोल्ड करत करत रोल करा
• मग त्या रोलला घड्याळाच्या काट्यासारखं गुंडाळा आणि पुन्हा थोडी जाडसर पोळी लाटा.
• तवा गरम करा. त्यावर लाटलेला लच्छा पराठा ठेवून दोन्ही बाजूंनी तूप लावून कुरकुरीत आणि सोनेरी रंगाचा होईपर्यंत भाजा.
• भाजून झाल्यावर गरम असताना पराठ्याला दोन्ही हातांनी थोडं दाबा म्हणजे त्याचे थर वेगळे दिसू लागतील.
• तुम्ही तूपाच्या ऐवजी बटर वापरू शकता.
• अजून कुरकुरीत हवं असेल तर भाजताना थोडं जास्त तूप लावायला हरकत नाही.
• गरमागरम लच्छा पराठा दही, लोणचं किंवा पनीर ग्रेव्हीबरोबर सर्व्ह करा आणि याच्या चविचा आस्वाद घ्या