उपमा शिरा खाऊन कंटाळा आला असेल तर सोप्या पद्धतीमध्ये घरी बनवा चविष्ट गुळाचे पोहे, वाचा सोपी रेसिपी

उपमा,शिरा खाऊन कंटाळा आल्यानंतर नवीन काहींना काही खाण्याची इच्छा होते. अशावेळी तुम्ही गुळाचे पोहे बनवू शकता. गुळाचे पोहे चवीला अतिशय सुंदर लागतात. शिवाय बनवण्यासाठी सुद्धा सोपे आहेत.

सकाळच्या वेळी पोटभर नाश्ता करणे आरोग्याच्या दृष्टीने अतिशय पौष्टिक आहे. नाश्ता केल्यामुळे आरोग्याला अनेक फायदे होतात. सकाळी उठल्यानंतर पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. शिवाय लवकर भूक लागत नाही. त्यामुळे नेहमी पोटभर नाश्ता करणे आवश्यक आहे. सकाळच्या नाश्त्यात अनेक घरांमध्ये कांदापोहे, उपमा, शिरा, इडली, डोसा इत्यादी पदार्थ बनवले जातात. पण सतत तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा निर्माण होते. अशावेळी तुम्ही सोप्या पद्धतीमध्ये नाश्त्यासाठी गूळपोहे बनवू शकता. गूळपोहे मधुमेह असलेले रुग्ण सुद्धा खाऊ शकता. चला तर जाणून घेऊया गूळपोहे बनवण्याची सोपी कृती.(फोटो सौजन्य – iStock)

नवनवीन रेसिपीसाठी इथे किल्क करा

साहित्य :

• पोहे
• गूळ
• तूप
• हिंग
• हळद
• जिरे
• शेंगदाणे
• कढीपत्ता
• खोबऱ्याचा किस
• मोहरी
• मीठ

नवनवीन रेसिपीसाठी इथे किल्क करा

कृती:

• गूळ पोहे बनवण्यासाठी सर्वप्रथम, पोहे स्वच्छ साफ करून पाण्यात काहीवेळ भिजत ठेवा. 5 मिनिटं झाल्यानंतर त्यातील पाणी काढून पोहे नितळण्यासाठी ठेवा.
• कढईमध्ये तेल गरम करण्यासाठी ठेवा. गरम तेलात हिंग टाकून नंतर त्यात मोहरी आणि जिरं टाकून व्यवस्थित भाजून घ्या.
• नंतर कढीपत्त्याची पाने टाकून मिक्स करा. त्यात शेंगदाणे टाकून व्यवस्थित भाजून घ्या.
• शेंगदाणे टाकून झाल्यानंतर त्यात हळद टाकून वरून पोहे आणि खोबऱ्याचा किस टाकून मिक्स करून घ्या.
• सगळ्यात शेवटी तयार केलेल्या मिश्रणावर आवश्यकतेनुसार गूळ आणि चवीनुसार मीठ टाकून मिक्स करा.
• तयार आहेत सोप्या पद्धतीमध्ये बनवलेले गूळपोहे.