सकाळच्या नाश्त्यासाठी झटपट बनवा मुंबईची स्ट्रीट स्टाईल चविष्ट फ्रँकी, पाहताच क्षणी तोंडाला सुटेल पाणी

आज आम्ही तुम्हाला सकाळच्या नाश्त्यासाठी सोप्या पद्धतीमध्ये स्ट्रीट स्टाईल फ्रँकी बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडतो.

मुंबईतील स्ट्रीट फूड जगभरात फेमस आहे. मुंबईच्या छोट्या रस्त्यांवर मिळणारे चविष्ट पदार्थ खाण्यासाठी खवय्यांची मोठी गर्दी असते. वडापाव, पाणीपुरी, शेवपुरी, स्ट्रीट चायनीज आणि सगळ्यांची आवडती फ्रँकी. लहान मुलांपासून अगदी मोठ्यांपर्यंत सगळ्यांचं फ्रँकी खायला खूप जास्त आवडते. फ्रॅंकीचे नाव ऐकल्यानंतर सगळ्यांच्या तोंडाला पाणी सुटते. स्ट्रीटवर अनेक वेगवेगळ्या प्रकारच्या फ्रँकी मिळतात. पण कायमच बाहेरील विकतची फ्रँकी आणून खाण्यापेक्षा तुम्ही घरीसुद्धा सोप्या पद्धतीमध्ये स्ट्रीट फ्रँकी बनवू शकता. आज आम्ही तुम्हाला स्ट्रीट स्टाईल फ्रँकी बनवण्याची सोपी रेसिपी सांगणार आहोत. याशिवाय संध्याकाळच्या हलक्या जेवणासाठी सुद्धा तुम्ही फ्रँकी बनवून खाऊ शकता. फ्रँकी बनवण्यासाठी खूप कमी साहित्य आणि कमी वेळ लागतो. चला तर जाणून घेऊया स्ट्रीट स्टाईल फ्रँकी बनवण्याची सोपी रेसिपी.(फोटो सौजन्य – istock)

Weekend Special : घरी बनवा केरळ स्टाईल मलबार चिकन फ्राय, मसालेदार आणि कुरकुरीत चव; लगेच तोंडाला आणेल पाणी

साहित्य:

• बटाटा
• लाल तिखट
• गरम मसाला
• मीठ
• तेल
• चीज
• कांदा
• कोबी
• मैद्याची पोळी
• हळद
• काळीमिरी पावडर
• आमचूर पावडर

तोंडाची चव वाढवण्यासाठी १० मिनिटांमध्ये झटपट बनवा हिरव्या मिरच्यांची झणझणीत चटणी! नोट करून घ्या रेसिपी

कृती:

• फ्रँकी बनवण्यासाठी सर्वप्रथम, कढईमध्ये तेल गरम करून त्यात आलं लसूण पेस्ट टाकून भाजा. त्यामध्ये चवीनुसार मीठ टाका.
• त्यानंतर त्यात शिजवून मॅश केलेला बटाटा टाकून मिक्स करा. त्यानंतर त्यात लाल तिखट, हळद, गरम मसाला, चाट मसाला, आमचूर पावडर घालून व्यवस्थित बटाटा मसाल्यांमध्ये भाजा.
• भाजी तयार झाल्यानंतर गॅस बंद करून वरून बारीक चिरलेली कोथिंबीर टाकून मिक्स करा.
• मैद्याची पोळी घेऊन त्यावर टोमॅटो सॉस आणि शेजवान चटणी सगळीकडे पसरवून घ्या. त्यानंतर त्यावर तयार केलेले बटाट्याचे मिश्रण लावून वरून कांदा, कोबी ठेवा.
• सगळ्यात शेवटी तुमच्या आवडीनुसार किसलेले चीज टाकून फ्रॅंकीचा रोल तयार करा. गरम तव्यावर फ्रँकी हलकीशी भाजून घ्या.
• तयार आहे सोप्या पद्धतीमध्ये बनवलेली स्ट्रीट स्टाईल फ्रँकी.