Kanyapujan : कन्यापूजनासाठी काळ्या चण्याची भाजी कशी तयार करायची? प्रोटीन, फायबर आणि लोहाने भरपूर रेसिपी

Kala Chana Subji : कन्यापूजनात प्रसादात काळ्या चण्यांची भाजी आवर्जून बनवली जाते. धार्मिक मान्यतेनुसार, ही देवीची आवडीची भाजी आहे. चला तर मग ही भाजी कशी तयार करायची याची एक सोपी रेसिपी जाणून घेऊया.

(फोटो सौजन्य: Pinterest)

Follow Us:

Follow Us:

भारतीय संस्कृतीत नवरात्रीला कन्या पूजनाला विशेष महत्त्व आहे. या दिवशी लहान मुलींना देवी दुर्गेच रुप मानून त्यांची मनोभावे पूजा केली जाते आणि त्यांना जेवण आणि काही भेटवस्तू दिल्या जातात. पूजेच्या जेवणाच्या या थीळीत पुऱ्या, शिरा आणि काळ्या चण्यांची भाजी फार फेमस आहे. धार्मिक परंपरेनुसार ही भाजी देवीला प्रिय मानली जाते आणि आरोग्यदायीही असते. काळे चणे हे प्रोटीन, फायबर आणि लोहाने भरपूर असल्यामुळे उपवासानंतर शरीराला उर्जादायी ठरतात.

तोंडाला सुटेल पाणी! गरमागरम चपातीसोबत खाण्यासाठी झटपट बनवा चमचमीत बटाटा वाटाणा भाजी, नोट करा रेसिपी

कन्या पूजनाचा उत्सव भक्तीभाव, श्रद्धा आणि आनंदाने साजरा केला जातो आणि त्यात केलेली काळ्या चण्याची भाजी या प्रसंगाला अधिक मंगलमय बनवते. कन्या पूजनासाठी पारंपरिक पद्धतीने काळ्या चण्याची भाजी कशी बनवायची ते आज आपण या लेखात जाणून घेणार आहोत. ही भाजी सामान्य भाजीपेक्षा थोडी वेगळी असते आणि चवीलाही फार छान लागते. चला तर मग जाणून घेऊया यासाठी लागणारे साहित्य आणि कृती.

साहित्य

• १ कप काळे चणे (रात्रभर भिजवलेले)
• २ टेबलस्पून तेल किंवा तूप
• १ टीस्पून जिरे
• १ टीस्पून मोहरी
• १ चिमूट हिंग
• २ हिरव्या मिरच्या (चिरलेल्या)
• ८-१० कढीपत्त्याची पानं
• १ टीस्पून आलं-लसूण पेस्ट
• १ मोठा कांदा (बारीक चिरलेला)
• १ टोमॅटो (चिरलेला)
• १ टीस्पून हळद
• १ टीस्पून लाल तिखट
• १ ½ टीस्पून गरम मसाला किंवा गोडा मसाला
• चवीनुसार मीठ
• कोथिंबीर

कृती

• यासाठी सर्वप्रथम भिजवलेले काळे चणे प्रेशर कुकरमध्ये मीठ टाकून ४-५ शिट्या होईपर्यंत शिजवून घ्या.
• कढईत तेल/तूप गरम करून त्यात मोहरी, जिरे, हिंग, कढीपत्ता आणि हिरव्या मिरच्या घालून फोडणी द्या.
• त्यात कांदा घालून सोनेरी होईपर्यंत परता. मग आलं-लसूण पेस्ट आणि नंतर टोमॅटो घालून छान परता.
• हळद, तिखट आणि गरम मसाला घालून मिश्रण नीट परता.
• उकडलेले चणे घालून मसाल्यात नीट मिसळा. आवश्यकतेनुसार उकडलेलं पाणी घालून भाजीला शिजू द्या.
• ही भाजी साधारण जास्त पातळ नसल्याने यात पाण्याचा कमी वापर करा.
• झाकण ठेवून ५-७ भाजी छान मुरेपर्यंत शिजवा.
• वरून ताजी कोथिंबीर घाला आणि तयार भाजी खाण्यासाठी सर्व्ह करा.
• ही चविष्ट काळ्या चण्याची भाजी पुरी आणि हलव्याबरोबर कन्या पूजनाच्या प्रसादासाठी उत्तम लागते.

Web Title: How to make kala chana subji for kanyapujan recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com