गोड पदार्थ खाण्याची इच्छा झाल्यास सोप्या पद्धतीमध्ये घरी बनवा चविष्ट केशर शिरा, नोट करून घ्या रेसिपी

आज आम्ही तुम्हाला सोप्या पद्धतीमध्ये केशर शिरा बनवण्याची रेसिपी सांगणार आहोत. हा पदार्थ तुम्ही घरी आलेल्या पाहुण्यांसाठी किंवा गोड पदार्थ खाण्याची इच्छा झाल्यास बनवू शकता. जाणून घ्या केशर शिरा बनवण्याची सोपी रेसिपी.

शिरा ही आपली नेहमीची गोड आणि सोपी डिश आहे. घरी कोणी पाहुणे आले, उपवासात गोड पदार्थाची इच्छा झाली किंवा कधी झटपट काहीतरी गोड बनवायचं असेल तर आपण पटकन शिरा बनवतो. सकाळच्या नाश्त्यात किंवा घरात सणावाराच्या दिवसांमध्ये गोड शिरा बनवला जातो. पण कायमच शिरा बनवताना रव्याच्या गुठळ्या होतात. रव्यामध्ये गुठळ्या झाल्यानंतर पदार्थांची चव अतिशय खराब होऊन जाते. म्हणूनच आज आम्ही तुम्हाला माव्यासारखा मोकळा आणि चवदार केशर शिरा बनवण्याची सोपी रेसिपी सांगणार आहोत. हा शिरा चवीला अतिशय सुंदर लागतो. घरात सणाच्या दिवशी आवर्जून शिरा बनवला जातो. गोड पदार्थ खायला सगळ्यांचं खूप जास्त आवडतात. काहींना जेवणानंतर गोड पदार्थ खाण्याची सवय असते तर काहींना सकाळच्या नाश्त्यात गोड पदार्थ खायला खूप जास्त आवडतात. सकाळी पोटभर नाश्ता करणे आवश्यक आहे. कारण उपाशी पोटी जास्त वेळ राहिल्यास शरीरात पित्त वाढते आणि आरोग्याला हानी पोहचते. चला तर जाणून घेऊया केशर शिरा बनवण्याची सोपी रेसिपी.(फोटो सौजन्य: Pinterest)

आवडीच्या पदार्थाने करा लहान मुलांना खुश; मेहनत घेण्याची गरज नाही, कुकरमध्ये बनवा देसी स्टाईल ‘पास्ता’

साहित्य:

• रवा
• दूध
• साखर
• तूप
• पाणी
• काजू
• बदाम
• मनुके
• वेलची पूड
• केशर

पितृपक्षातील श्राद्ध भोजनासाठी पारंपरिक पद्धतीने बनवा चवदार भोपळ्याचची भाजी, चुकूनही घालू नका ‘हे’ पदार्थ

कृती:

• एका भांड्यात १ वाटी दूध घेऊन त्यात रवा टाका आणि नीट ढवळून १०-१५ मिनिटे भिजत ठेवा. या पद्धतीने रवा शिजल्यावर अगदी मऊसर, दाणेदार आणि माव्यासारखा लागतो.
• कढईत अर्धी वाटी पाणी आणि १ वाटी साखर टाका. साखर पूर्ण विरघळेपर्यंत मंद आचेवर शिजवा. हवे असल्यास या टप्प्यावर काही केशर धागे घालून सुंदर रंग आणि सुवास आणू शकता.
• एका वेगळ्या कढईत तूप गरम करून त्यात भिजवलेला रवा टाका. मंद आचेवर नीट हलवत भाजा. रव्याचा रंग किंचित सोनेरी होईल आणि सुगंध येऊ लागेल.
• आता तयार केलेल्या साखरेच्या पाकामध्ये भाजलेला रवा टाका. गुठळ्या होऊ नयेत म्हणून सतत हलवत राहा.
• शेवटी काजू, बदाम, मनुके आणि वेलची पूड घाला. एकदा नीट ढवळा आणि २ मिनिटे झाकण ठेवून वाफ येऊ द्या.
• गॅस बंद करून शिरा काही क्षण ठेवला की तो अजून मस्त सेट होतो. आता हा दुधात भिजवून केलेला खास माव्यासारखा शिरा गरमागरम सर्व्ह करा.