हिवाळ्यात पळून जातील पित्तासह इतर आजार! १० मिनिटांमध्ये झटपट बनवा आमसुलाचे सार, आजीबाईच्या बटव्यातील रेसिपी

थंडीत गरमागरम वाफाळत्या भातासोबत खाण्यासाठी तुम्ही झटपट आमसूल आमटी बनवू शकता. हा पदार्थ घरातील लहान मुलांपासून मोठ्यांपर्यंत सगळ्यांचं खूप जास्त आवडेल.

राज्यासह संपूर्ण देशभरात कडाक्याची थंडी पडली आहे. थंड वातावरणात प्रत्येकाला काहींना काही गरमागरम खाण्यास आणि पिण्यास हवे असतात. गरम पदार्थ खाण्याची इच्छा झाल्यानंतर बाहेरून विकतचे चिकन सूप किंवा मिक्स भाज्यांचे सूप आणले जाते. पण नेहमीच विकतचे पदार्थ खाणे आरोग्यासाठी चांगले नाही. यामुळे शरीरात कोलेस्ट्रॉल वाढण्याची शक्यता असते. म्हणूनच आज आम्ही तुम्हाला आजीबाईच्या बटव्यातील गरमागरम आमसूल सार बनवण्याची सोपी रेसिपी सांगणार आहोत. यामध्ये तुम्ही कोकम किंवा चिंचेचा वापर करू शकता. आंबट चवीचे पदार्थ शरीरात विटामिन सी वाढवतात. बऱ्याचदा घरात टोमॅटो सार किंवा कैरीचा सार बनवला जातो. पण नेहमीच तेच ठराविक पदार्थांपासून बनवलेले सार खाऊन कंटाळा आल्यानंतर तुम्ही चिंच किंवा आमसूल सार बनवून खाऊ शकता. आमसूल सार तुम्ही सूप म्हणून सुद्धा पिऊ शकता. यामुळे घशात उष्णता जाणवते. चला तर जाणून घेऊया आमसूल सार बनवण्याची सोपी रेसिपी. (फोटो सौजन्य – istock)

Food Recipe: जिभेवर ठेवताच विरघळून जाईल शाही चवीचा ‘कॅरॅमल शिरा’, नोट करून घ्या झटपट तयार होणारी रेसिपी

साहित्य:

• चिंच
• लसूण
• हिरवी मिरची
• मीठ
• लाल तिखट
• हळद
• खोबऱ्याचा किस
• पाणी
• हिंग
• तांदळाचे पीठ

साधा भात कशाला, घरी बनवा हॉटेल स्टाईल ‘सोया फ्राइड राईस’; चायनीज लव्हर्ससाठी खास, नोट करा रेसिपी

कृती:

• आमसूल सार बनवण्यासाठी चिंच किंवा कोकम वापरू शकता. दोन्ही पदार्थ चवीला आंबट असतात आणि शरीरासाठी सुद्धा फायदेशीर असतात.
• वाटीमध्ये गरम पाणी घेऊन त्यात चिंच भिजत ठेवावी. अर्धा तासात चिंच व्यवस्थित भिजली जातील.
• त्यानंतर चिंच पाण्यात कुसकरून त्यातील गर काढून घ्या. आमटी बनवताना त्यात चिंचेचा वापर जास्त करावा. यामुळे चव सुंदर लागते.
• टोपात तेल गरम करून त्यात हिंग, बारीक केलेला लसूण घालून लालसर भाजा. त्यानंतर गॅस बारीक करून त्यात हळद, लाल तिखट घालून मिक्स करा.
• मसाल्यांमध्ये तयार केलेला चिंच गर घालून व्यवस्थित मिक्स करा आणि आवश्यकतेनुसार पाणी घालून सार ला उकळी काढून घ्या.
• वाटीमध्ये तांदळाचे थोडस पीठ घेऊन त्यात पाणी घालून पेस्ट तयार करा. तयार केलेली पेस्ट सारात टाकून मिक्स करा.
• चवीनुसार मीठ आणि खोबऱ्याचा किस घालून व्यवस्थित मिक्स करा.साराला उकळी आल्यानंतर गॅस बंद करून घ्या.
  तयार आहे सोप्या पद्धतीमध्ये बनवलेली आमसूल सार.