वाटीभर रवा आणि हापूस आंब्यांपासून १० मिनिटांमध्ये बनवा मऊसुत शिरा, घरातील सगळेच करतील गोड कौतुक

आंब्यापासून बनवलेले सर्वच पदार्थ अतिशय सुंदर आणि चवदार लागतात. त्यामुळे आज आम्ही तुम्हाला हापूस आंब्यापासून गोड शिरा बनवण्याची सोपी रेसिपी सांगणार आहोत. या पद्धतीने बनवलेला आंब्याचा शिरा सुंदर लागेल.

उन्हाळ्याच्या दिवसांमध्ये बाजारात मोठ्या प्रमाणावर हापूस, केशरी आंबे उपलब्ध असतात. त्यातील सगळ्यांच्या आवडीचा आंबा म्हणजे हापूस आंबा. कोकणातील देवगडचा हापूस आंबा जगभरात सगळीकडे प्रसिद्ध आहे. हापूस आंब्याचे नाव घेतल्यानंतर सगळ्यांच्या तोंडाला पाणी सुटते. आंब्यापासून अनेक वेगवेगळे पदार्थ बनवले जाते. आंब्याची साठ, आमरस इत्यादी अनेक पदार्थ बनवले जातात. मात्र आज आम्ही तुम्हाला कोकणातील हापूस आंब्याचा वापर करून मऊसुत शिरा बनवण्याची सोपी रेसिपी सांगणार आहोत. या पद्धतीचा वापर करून कमीत कमी साहित्यामध्ये बनवलेला शिरा घरातील सगळ्यांचं नक्की आवडेल. सकाळच्या नाश्त्यात किंवा इतर वेळी गोड पदार्थ खाण्याची इच्छा झाल्यानंतर शिरा बनवून खाल्ला जातो. नेहमीच तोच शिरा खाऊन कंटाळा आल्यानंतर तुम्ही आंब्याचा शिरा झटपट बनवू शकता. जाणून घ्या रेसिपी.(फोटो सौजन्य – pinterest)

कोकणातील पारंपरिक पद्धतीमध्ये बनवा कच्चा फणसाची चविष्ट चमचमीत भाजी, घरातील सगळेच खातील आवडीने

साहित्य:

• हापूस आंब्याचा रस आणि बारीक तुकडे
• रवा
• साखर
• वेलची पावडर
• काजू बदाम तुकडे
• दूध
• केशर

Korean Kimchi Recipe: जगभरात वाढतेय कोरियन किमचीची क्रेझ; घरी कशी बनवायची ते जाणून घ्या

कृती:

• आंब्याचा शिरा बनवण्यासाठी सर्वप्रथम, कढईमध्ये तूप गरम करून त्यात रवा भाजून घ्या. रवा भाजताना गॅस मंद आचेवर ठेवावा.
• रव्याचा रंग हळूहळू बदलू लागल्यानंतर त्यात केशर घालून गरम करून घेतलेले दूध टाकून रवा व्यवस्थित शिजवून घ्या.
• रवा शिजल्यानंतर त्यात आवश्यकतेनुसार साखर टाकून मिक्स करून घ्या. साखर पूर्ण वितळल्याशिवाय त्यात कोण्ताही पदार्थ टाकू नये.
• २ ते ३ मिनिटं रवा शिजल्यानंतर त्यात आंब्याचा रस टाकून मिक्स करून घ्या. आंब्याचा रस शिजल्यानंतर त्यात शिऱ्याला हलकीशी वाफ काढा.
• त्यानंतर त्यात वेलची पावडर, जायफळ पावडर आणि भाजून घेतलेले ड्रायफ्रूट टाकून मिक्स करा.
• तयार आहे सोप्या पद्धतीमध्ये बनवलेला हापूस आंब्याचा शिरा. शिरा सर्व्ह करताना त्यावर आंब्याचे बारीक तुकडे टाका.