संध्याकाळच्या नाश्त्यासाठी सोप्या पद्धतीमध्ये वाटीभर मटारपासून बनवा चविष्ट धिरडे, वाचा सोपी रेसिपी

लहान मुलांपासून मोठंपर्यांत सगळ्यांना मटार खायला खूप आवडतात. मटार पासून अनेक वेगवेगळे पदार्थ बनवले जातात. त्यामुळे आज आम्ही तुम्हाला मटार धिरडे बनवण्याची सोपी रेसिपी सांगणार आहोत. चला तर जाणून घेऊया.

नाश्त्यासाठी सोप्या पद्धतीमध्ये वाटीभर मटारपासून बनवा चविष्ट धिरडे

Follow Us:

Follow Us:

हिवाळ्यात बाजारात हिरव्या पालेभाज्या, मटार इत्यादी अनेक फळे भाज्या उपलब्ध असतात. थंडीच्या दिवसांमध्ये बाहेरून विकत आणलेले पदार्थ खाण्यापेक्षा घरी बनवलेल्या पालेभाज्या,फळे, ड्रायफ्रुटसचे सेवन करावे. इतर ऋतूंच्या तुलनेमध्ये थंडीच्या दिवसांमध्ये बाजारात हिरवे मटार ताजे आणि फ्रेश असतात. वर्षभरात अतिशय महाग किमतीला विकले जाणारे मटार हिवाळ्याच्या दिवसांमध्ये स्वस्त असतात. मटारपासून तुम्ही मटार करंजी, मटार उसळ, मटार पुलाव, मटार बटाटा रस्सा भाजी इत्यादी अनेक पदार्थ बनवू शकता. पण आज आम्ही तुम्हाला मटार धिरडे बनवण्याची सोपी रेसिपी सांगणार आहोत. मटार धिरडे बनवण्यासाठी जास्त वेळ लागत नाही. कमीत कमी साहित्यामध्ये मटार धिरडे तयार होतात. तसेच मटार खाल्यामुळे पचनक्रिया सुधारण्यास मदत होते. मटार खाल्यामुळे आरोग्याला अनेक फायदे होतात. चला तर जाणून घेऊया हेल्दी टेस्टी मटार धिरडे बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• हिरवे मटार
• कोथिंबीर
• हिरवी मिरची
• मीठ
• बारीक रवा
• पाणी
• तांदळाचे पीठ
• तेल
• कढीपत्ता

नवनवीन रेसिपीसाठी इथे क्लिक करा

कृती:

• मटार धिरडे बनवण्यासाठी सर्वप्रथम, मिक्सरच्या भांड्यात मटार, हिरवी मिरची, आलं लसूण तुकडे टाकून बारीक वाटून घ्या.
• त्यानंतर तयार केलेले वाटण टोपामध्ये काढून घ्या. त्यात तांदळाचे पीठ, बारीक रवा टाकून व्यवस्थित मिक्स करा.
• नंतर त्यात चवीनुसार मीठ घालून मिक्स करून घ्या. तयार केलेल्या मिश्रणात आवश्यकतेनुसार पाणी घालून धिरड्याचे पीठ तयार करा.
• पॅन गरम करण्यासाठी ठेवा. पॅन गरम झाल्यानंतर त्यात थोडस तेल टाकून वरून धिरड्याचे पीठ टाकून पसरवून घ्या.
• दोन्ही बाजूने व्यवस्थित भाजून घ्या. तयार आहे सोप्या पद्धतीमध्ये बनवलेले मटार धिरडे.

Web Title: How to make matar dhirde at home morning breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com