सकाळचा नाश्ता होईल आणखीन स्पेशल! वाटीभर मटार आणि पोह्यांपासून बनवा चविष्ट कुरकुरीत टिक्की, वाचा सोपी रेसिपी

सकाळच्या नाश्त्यात तेच तेच पदार्थ खाऊन कंटाळा आल्यास सोप्या पद्धतीमध्ये तुम्ही वाटीभर मटार आणि पोह्यांचा वापर करून चविष्ट टिक्की बनवू शकता. हा पदार्थ बनवण्यासाठी जास्त वेळ लागत नाही. जाणून घ्या टिक्की बनवण्याची रेसिपी.

सकाळच्या नाश्त्यात नेहमी नेहमी काय बनवावं? हा प्रश्न सर्वच महिलांना पडतो. अशावेळी एकत्र बाहेरून विकत आणलेले पदार्थ खाल्ले जातात तर पॅक बंद पदार्थांचे सेवन केले जाते. मात्र नेहमी नेहमी बाहेरून विकत आणलेल्या तेलकट तिखट पदार्थांच्या सेवनामुळे आरोग्याला हानी पोहचण्याची शक्यता असते. दैनंदिन आहारात सकाळच्या नाश्त्यात किंवा इतर वेळी पौष्टिक पदार्थांचे सेवन करावे. या पदार्थांच्या सेवनामुळे लहान मुलांच्या आरोग्यासह मोठ्यांचे सुद्धा आरोग्य सुधारण्यास मदत होते. सकाळच्या घाईगडबडीमध्ये तुम्ही नाश्त्यासाठी सोप्या पद्धतीमध्ये वाटीभर मटार आणि पोह्यांचा वापर करून चविष्ट टिक्की बनवू शकता. हिवाळ्यामध्ये बाजारात अनेक वेगवेगळ्या प्रकारच्या भाज्या उपलब्ध असतात. भाज्यांचे सेवन केल्यामुळे शरीराला जीवनसत्वे, कॅल्शियम, प्रोटीन इत्यादी अनेक घटक मिळतात. चला तर जाणून घेऊया मटार पोह्यांची टिक्की बनवण्याची सोपी रेसिपी.(फोटो सौजन्य – iStock)

लहान मुलांच्या नाश्त्यासाठी घरच्या घरी बनवा ब्रोकोली चीज पराठा, लहान मुलांचे आरोग्य राहील निरोगी

See more

साहित्य:

• मटार
• पोहे
• मीठ
• तेल
• काळीमिरी पावडर
• पांढरे तीळ
• आलं लसूण पेस्ट
• लाल तिखट
• गरम मसाला
• बेसन
• कोथिंबीर
• लिंबाचा रस
• तेल

गोड खाण्याची इच्छा झाल्यास सोप्या पद्धतीमध्ये घरी बनवा संत्र्याची खीर, आरोग्यासाठी ठरेल पौष्टिक

See more

कृती:

• मटार पोह्यांची टिक्की बनवण्यासाठी सर्वप्रथम, पोहे स्वच्छ साफ करून काहीवेळ पाण्यात भिजत ठेवा.
• कुकरमध्ये मटार आणि पाणी टाकून मटार व्यवस्थित शिजेपर्यंत शिट्ट्या काढून घ्या.
• त्यानंतर शिजवून घेतलेले मटार बाउलमध्ये घेऊन मॅश करा. त्यानंतर त्यात भिजवलेले पोहे टाकून व्यवस्थित मिक्स करून घ्या.
• नंतर त्यात धणे, काळीमिरी पावडर, पांढरे तीळ, आलं लसूण हिरव्या मिरचीची पेस्ट, लाल तिखट घालून व्यवस्थित मिक्स करून घ्या.
• तयार करून घेतलेल्या मिश्रणामध्ये हळद, जिरे पावडर, चवीनुसार मीठ, भाजलेले बेसन, बारीक चिरलेली कोथिंबीर, लिंबाचा रस घालून व्यवस्थित मिक्स करून घ्या.
• मिश्रण तयार झाल्यानंतर तुम्हाला हव्या त्या आकाराच्या टिक्की बनवून तेलात दोन्ही बाजूने व्यवस्थित फ्राय करून घ्या.
• तयार आहे सोप्या पद्धतीमध्ये बनवलेली मटार आणि पोह्यांची चविष्ट टिक्की.