उन्हाळ्याच्या दिवसांमध्ये घरीच बनवा थंडगार मटका कुल्फी, पोटभर घ्या थंड पदार्थ खाण्याचा आनंद

उन्हाळ्याच्या दिवसांमध्ये थंड पदार्थांची खाण्याची इच्छा झाल्यानंतर तुम्ही सोप्या पद्धतीमध्ये मटका कुल्फी बनवू शकता. लहान मुलांपासून ते अगदी मोठ्यांपर्यंत सगळ्यांचं मटका कुल्फी खूप आवडते.

उन्हाळा ऋतूला सुरुवात झाल्यानंतर थंड पदार्थ खाण्यास जास्त प्राधान्य दिले जाते. थंड पदार्थांचे सेवन केल्यामुळे शरीरातील उष्णता कमी होते आणि थंड वाटू लागते. या दिवसांमध्ये थंड पदार्थ, आईस्क्रीम, कुल्फी, ताक, लस्सी इत्यादी पदार्थ मोठ्या प्रमाणात खाल्ले जातात. मात्र नेहमी नेहमी बाजारात मिळणारे थंडगार आईस्क्रीम किंवा कोल्ड्रिंक पिण्यापेक्षा तुम्ही सोप्या पद्धतीमध्ये घरी मटका कुल्फी बनवू शकता. मटका कुल्फी चवीला अतिशय सुंदर लागते. कमीत कमी वेळात तुम्ही सोप्या पद्धतीमध्ये घरी कुल्फी बनवू शकता. लहान मुलांपासून ते अगदी मोठ्यांपर्यंत सगळ्यांचं कुल्फी हा पदार्थ खायला खूप आवडतो. कुल्फीचे नाव घेतल्यानंतर अनेकांच्या तोंडाला पाणी सुटते. त्यामुळे आज आम्ही तुम्हाला सोप्या पद्धतीमध्ये मटका कुल्फी बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – iStock)

मासे खाण्याची इच्छा झाल्यास दुपारच्या जेवणात कोकणी पद्धतीमध्ये बनवा मसालेदार कोळंबी भात

साहित्य:

• काजू
• बदाम
• वेलची पावडर
• फॉइल पेपर
• साखर
• मातीचे लहान मडके
• पिस्ता
• दूध

हानिकारक केमिकल्सचा वापर न करता घरीच बनवा डाळिंबाची जेली, नोट करून घ्या सोपी रेसिपी

कृती:

• मटका कुल्फी बनवण्यासाठी सर्वप्रथम, मिक्सच्या भांड्यात काजू, बदाम आणि पिस्ता बारीक वाटून घ्या.
• त्यानंतर टोपात दूध घेऊन व्यवस्थित उकळवून घ्या. दुधाला उकळी आल्यानंतर गॅस बारीक करून दूध व्यवस्थित घट्ट करून घ्या.
• त्यानंतर त्यात साखर घालून पूर्णपणे वितळल्यानंतर त्यात वेलची पावडर घालून मिक्स करा.
• दुधाला उकळी आल्यानंतर त्यात बारीक करून घेतलेल्या ड्राय फ्रूटची पावडर घालून मिक्स करा.
• तयार करून घेतलेले मिश्रण घट्ट झाल्यानंतर गॅस बंद करून थोडंसं थंड करून घ्या.
• मटक्यामध्ये तयार करून घेतलेले मिश्रण ओतून वरून फॉइल पेपर लावून पॅक करून घ्या. फ्रिजमध्ये ४ ते ५ तास सेट होण्यासाठी ठेवा.
• तयार आहे सोप्या पद्धतीमध्ये बनवलेली मटका कुल्फी. या पद्धतीने कुल्फी बनवल्यास घरातील सगळ्यांचं खूप आवडेल.