पचायला हलका आणि चवीला सुंदर! पांढऱ्या शुभ्र मुरमुऱ्यांपासून बनवा लसूण मसाला चिवडा, महिनाभर राहील टिकून

पांढऱ्या शुभ्र मुरमुऱ्यांपासून तुम्ही झटपट चिवडा बनवू शकता. हा चिवडा महिनाभर व्यवस्थित टिकून राहतो. याशिवाय सकाळच्या नाश्त्यासाठी सुद्धा खाऊ शकता. चला तर जाणून घेऊया रेसिपी.

वर्षाच्या बाराही महिने भारतीय घरात सकाळच्या नाश्त्यात आवडीने खाल्ला जाणारा पदार्थ म्हणजे चिवडा. वेगवेगळ्या पदार्थांपासून चिवडा बनवला जातो. पारंपरिक चवीचा चिवडा लहान मुलांपासून अगदी मोठ्यांपर्यंत सगळ्यांचं खायला खूप जास्त आवडतो. पांढऱ्या शुभ्र मुरमुऱ्यांचा चिवडा कमीत कमी साहित्यात बनवता येतो.सकाळच्या नाश्त्यात कायमच चहा बिस्कीट किंवा इतर तेलकट पदार्थ खाण्याऐवजी मुरमुऱ्यांपासून बनवलेला लसूण मसाला चिवडा खावा. लसूण टाकून बनवलेला चिवडा महिनाभर व्यवस्थित टिकून राहतो. चिवडा लवकर खराब होत नाही. याशिवाय मुरुमऱ्यांचा चिवडा नरम होऊ म्हणून हवाबंद डब्यात भरून ठेवावा. यामुळे चिवडा जास्त दिवस व्यवस्थित टिकून राहतो. चला तर जाणून घेऊया मुरमुऱ्यांचा चिवडा बनवण्याची सोपी रेसिपी.(फोटो सौजन्य – istock)

Makar Sankrant 2026 : तिळाचे लाडूच नाही तर सणाला हा पारंपारिक पदार्थही मानला जातो खास, जाणून घ्या रेसिपी

साहित्य:

• पांढरे मुरमुरे
• लसूण
• लाल तिखट
• हळद
• शेंगदाणे
• डाळीव
• कढीपत्ता
• तेल
• हिंग
• मीठ

कायमच जंक फूड खाऊन कंटाळा आला असेल तर सोप्या पद्धतीमध्ये घरीच बनवा सोयाबीन टिक्की, नोट करा रेसिपी

कृती:

• मुरमुऱ्यांचा लसूण चिवडा बनवण्यासाठी सर्वप्रथम, टोपात मुरमुरे कुरकुरीत होईपर्यंत भाजा. व्यवस्थित गरम झाल्यानंतर काढून घ्या.
• त्याच टोपात तेल गरम करण्यासाठी ठेवा. गरम तेलात शेंगदाणे, कढीपत्त्याची पाने, बारीक केलेला लसूण, हिंग आणि डाळीव भाजा.
• भाजून घेतलेले पदार्थ थंड करण्यासाठी ठेवा. त्यानंतर मोठ्या टोपात भाजून घेतलेले शेंगदाणे आणि इतर साहित्य घेऊन व्यवस्थित मिक्स करा.
• फोडणीच्या वाटीमध्ये तेल गरम करून त्यात चमचाभर मीठ, हळद, लाल तिखट आणि हिंग घालून भाजा.
• तयार केलेली फोडणी हलकीशी थंड करून चिवड्यामध्ये मिक्स करा. चमच्याने चिवडा मिक्स करून झाल्यानंतर काहीवेळ ठेवून नंतर बंद हवेच्या डब्यात भरून ठेवा.
• तयार आहे सोप्या पद्धतीमध्ये बनवलेला मुरमुऱ्यांचा खमंग मसालेदार चिवडा.