हिवाळ्यात शरीराची ताकद वाढवण्यासाठी सकाळच्या नाश्त्यात करा मेथी पनीर पराठ्याचे सेवन, नोट करून घ्या रेसिपी

सकाळच्या नाश्त्यात प्रत्येकालाच हेल्दी आणि प्रोटीनयुक्त नाश्ता हवा असतो. त्यामुळे नाश्त्यात तुम्ही मेथी पनीर पराठा बनवू शकता. मेथी पनीर पराठा खाल्ल्यामुळे पोट दीर्घकाळ भरलेले राहते.

थंडीच्या दिवसांमध्ये सगळ्यांचं खूप जास्त भूक लागते. सकाळच्या नाश्त्यात प्रत्येकालाच हेल्दी आणि टेस्टी पदार्थ खाण्यास हवे असतात. कांदापोहे, उपमा, शिरा, थालीपीठ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये मेथी पनीर पराठा बनवू शकता. हा पदार्थ कमीत कमी साहित्यात झटपट तयार होतो. थंडीच्या दिवसांमध्ये बाजारात पालेभाज्या मोठ्या प्रमाणावर उपलब्ध असतात. पालेभाज्यांचे सेवन करण्यास बऱ्याचदा लहान मुलं नकार देतात. मेथीची भाजी चवीला काहीशी कडवाड लागते. त्यामुळे मेथीच्या भाजीपासून तुम्ही वेगवेगळे पदार्थ बनवू शकता. शरीराला प्रोटीनयुक्त पदार्थांची खूप जास्त आवश्यकता असते. प्रोटीन असलेल्या पदार्थांचे सेवन केल्यामुळे पोट जास्त वेळ भरलेले राहते आणि लवकर भूक लागत नाही. चला तर जाणून घेऊया मेथी पनीर पराठा बनवण्याची सोपी रेसिपी.(फोटो सौजन्य – pinterest)

Winter Recipe : हिवाळ्यात गाजराचा हलवा बनवलात की नाही? जाणून घ्या सोपी रेसिपी

साहित्य:

• मेथी
• पनीर
• मीठ
• तेल
• गव्हाचं पीठ
• आलं लसूण मिरची पेस्ट
• धणे जिरं पावडर
• लिंबाचा रस

कोकणातील पारंपरिक पद्धतीने बनवा चमचमीत काळ्या चण्याची आमटी, गरमागरम भातासोबत लागेल सुंदर चव

कृती:

• मेथी पनीर पराठा बनवण्यासाठी सर्वप्रथम, मेथीची भाजी साफ करून काहीवेळ पाण्यात भिजत ठेवा. त्यानंतर भाजी स्वच्छ धुवून बारीक चिरून घ्या.
• ताटात गव्हाचं पीठ आणि चवीनुसार मीठ घालून व्यवस्थित मिक्स करा. पिठात आवश्यकतेनुसार पाणी घालून कणिक मळून घ्या.
• मोठ्या वाटीमध्ये बारीक चिरून घेतलेली मेथी, किसून घेतलेलं पनीर, धणे जिरं पावडर, चवीनुसार मीठ, आलं लसूण पेस्ट, लिंबाचा रस घालून व्यवस्थित मिक्स करा.
• गव्हाच्या पिठाची पारी बनवून त्यात तयार केलेले सारण भरून हलक्या हाताने पराठा लाटून तव्यावर शेकवण्यासाठी टाका.
• दोन्ही बाजूने पराठा कुरकुरीत भाजून झाल्यानंतर तूप लावून खाण्यासाठी सर्व्ह करा.
• तयार आहे सोप्या पद्धतीमध्ये बनवलेला मेथी पनीर पराठा.