महागडे कोल्ड्रिंक्स पिण्यापेक्षा घरी १५ रुपयांमध्ये बनवा ‘मिंट मोइतो क्युब्स’, महिनाभर राहतील टिकून

हॉटेलमध्ये गेल्यानंतर सगळ्यात आधी महागडे सॉफ्ट ड्रिंक्स मागवले जाते. त्यामध्ये मोइतो, ज्युस किंवा अनेक वेगवेगळे कोल्ड्रिंक्स मागवले जातात. मात्र नेहमी नेहमी विकतचे मोइतो पिण्यापेक्षा घरी बनवलेले मिंट मोइतो तुम्ही पिऊ शकता. आज आम्ही तुम्हाला सोप्या पद्धतीमध्ये 15 रुपयांमध्ये मिंट मोइतो क्युब्स बनवण्याची सोपी रेसिपी सांगणार आहोत. हा पदार्थ बनवण्यासाठी जास्त वेळ लागत नाही. मिंट मोइतो क्युब्स तयार करून तुम्हाला वाटेल तेव्हा मोईतो बनवून पिऊ शकता.

साहित्य:

• पुदिना
• हिरवी मिरची
• लिंबाचा रस
• काळे मीठ
• पाणी
• आइस ट्रे

कृती:

• मिंट मोइतो क्युब्स बनवण्यासाठी सर्वप्रथम, पुदिन्याची पाने वेगळी करून त्यांचे देठ काढून घ्या.
• त्यानंतर पाण्याचा वापर करून पुदिन्याची पाने स्वच्छ धुवून घ्या. त्यातील माती निघून गेल्यानंतर पुदिन्याची पान स्वच्छ होतील.
• वाटीभर पुदिन्याची पान, हिरवी मिरची, काळ मीठ, लिंबाचा रस आणि आवश्यकतेनुसार पाणी घालून मिक्सरमधून पेस्ट तयार करून घ्या.
• तयार केलेली पेस्ट बाउलमध्ये काढून त्यात दोन वाटी पाणी घालून मिक्स करा.
• तयार केलेल्या मिश्रणाचा पातळ पेस्ट न बनवता दाटसर मिश्रण तयार करा.
• पुदिन्याचे तयार करून घेतलेले मिश्रण आइस ट्रे मध्ये भरून फ्रिजमध्ये थंड होण्यासाठी ठेवा.
• सोप्या पद्धतीमध्ये तयार करून घेतलेले मिंट मोइतो क्युब्स तुम्ही पाणीपुरीचे पाणी, पुदिना पराठा किंवा बिर्याणी बनवताना वापरू शकता.

संबंधित बातम्या