Recipe : साध्या चपातीला बनवा चवदार, तुम्ही कधी खाल्ली आहे का ‘मिस्सी रोटी’? , रेसिपी नोट करा

Missi Roti Recipe : मिस्सी रोटी हा पदार्थ हेल्दी आणि टेस्टी कॅटेगरीत जातो. ही एक अशी चवदार चपाती आहे जी कोणत्याही भाजीशिवाय चवीला रुचकर लागते. झटपट काही चविष्ट बनवायचं असल्यास किंवा लहान मुलांना पाैष्टिक काही खाऊ घा

• मिस्सी रोटी ही गव्हाचे पीठ, बेसन आणि काही मसाल्यांपासून तयार केली जाते.
• भाजी बनवण्याचा कंटाळा आला असल्यास ही रोटी बनवून खाल्ली जाऊ शकते.
• लहान मुलांच्या डब्यासाठी ही रेसिपी एक उत्तम पर्याय ठरते.

मिस्सी रोटी ही उत्तर भारतातील पारंपरिक आणि पौष्टिक रोटी आहे. बेसन आणि गव्हाचे पीठ यांचे मिश्रण करून तयार केली जाणारी ही रोटी चवीला थोडी मसालेदार, बाहेरून हलकी खरपूस आणि आतून मऊ लागते. कांदा, हिरवी मिरची, कोथिंबीर आणि विविध मसाल्यांमुळे तिची चव आणखी खुलते. रोजच्या पोळीला काहीतरी वेगळा पर्याय हवा असेल, तर मिस्सी रोटी नक्की करून पाहता येते. दही, लोणचे, हिरवी चटणी किंवा भाजीसोबत ही रोटी उत्तम लागते. चला याची रेसिपी जाणून घेऊया.

सकाळच्या नाश्त्यासाठी परफेक्ट! १० मिनिटांमध्ये झटपट बनवा मऊसूत Onion Uttapam, नोट करा रेसिपी

साहित्य

• गव्हाचे पीठ – १ कप
• बेसन – १ कप
• बारीक चिरलेला कांदा – १
• हिरवी मिरची – २ बारीक चिरलेल्या
• कोथिंबीर – २ चमचे
• अजवाइन – ½ चमचा
• हळद – ¼ चमचा
• लाल तिखट – ½ चमचा
• धणेपूड – ½ चमचा
• जिरेपूड – ½ चमचा
• मीठ – चवीनुसार
• तेल – १ मोठा चमचा
• पाणी – आवश्यकतेनुसार
• तूप किंवा तेल – भाजण्यासाठी

चाट खाण्याची इच्छा झाली आहे? घरच्या घरी झटपट बनवा चटपटीत चाट टोकरी, नोट करून घ्या रेसिपी

कृती

• एका परातीत गव्हाचे पीठ आणि बेसन घ्या. त्यात कांदा, हिरवी मिरची, कोथिंबीर, अजवाइन, हळद, लाल तिखट, धणेपूड, जिरेपूड आणि मीठ घाला.
• त्यात एक चमचा तेल घालून सर्व साहित्य व्यवस्थित मिसळा. थोडे थोडे पाणी घालत पीठ मळून घ्या. पीठ ना खूप घट्ट ना खूप सैल असावे.
• मळलेले पीठ झाकून साधारण १० ते १५ मिनिटे बाजूला ठेवा. त्यामुळे रोटी लाटणे सोपे जाते.
• पीठाचे समान आकाराचे गोळे करून घ्या. प्रत्येक गोळ्याला थोडे पीठ लावून मध्यम जाडीची रोटी लाटून घ्या.
• गरम तव्यावर रोटी ठेवा. एका बाजूला हलके डाग दिसू लागले की रोटी पलटून दुसरी बाजू भाजा.
•  दोन्ही बाजूंना थोडे तूप किंवा तेल लावून रोटी खरपूस आणि सोनेरी होईपर्यंत भाजून घ्या.
• तयार मिस्सी रोटी तव्यावरून काढून गरम सर्व्ह करा. दही, लोणचे, हिरवी चटणी किंवा आवडीच्या भाजीसोबत तिचा आस्वाद घेता येईल.