नैवेद्यासाठी नेमकं काय बनवावं सुचत नाही? मग सोप्या पद्धतीमध्ये बनवा मुगाच्या डाळीचा शिरा, नोट करून घ्या रेसिपी

आज आम्ही तुम्हाला सोप्या पद्धतीमध्ये भिजवलेल्या मूगडाळीचा शिरा बनवण्याची सोपी रेसिपी सांगणार आहोत. हा पदार्थ नैवेद्यासाठी किंवा घरी आलेल्या पाहुण्यांच्या स्वागतासाठी तुम्ही बनवू शकता.

मार्गशीर्ष महिन्यातील प्रत्येक गुरुवारी देवीची घटस्थापना करून मनोभावे पूजा केली जाते. तसेच देवीला वेगवेगळ्या गोड पदार्थांचा नैवेद्य सुद्धा दाखवला जातो. नैवेद्यातील गोड पदार्थांमध्ये शिरा, शेवयांची खीर, तांदळाची खीर, गुलाबजाम, पुरणपोळी इत्यादी ठराविक पदार्थ कायमच बनवले जातात. पण आज आम्ही तुम्हाला साजूक तुपातील मूगडाळीचा शिरा बनवण्याची सोपी रेसिपी सांगणार आहोत. मूगडाळीचा शिरा चवीला अतिशय सुंदर लागतो. कमीत कमी साहित्यात कोणताही गोड पदार्थ बनवायचा असल्यास तुम्ही मूगडाळीचा शिरा बनवू शकता. मुगाची डाळ सहज पचन होते. मधुमेह किंवा आरोग्यासंबंधित इतर समस्यांनी त्रस्त असलेले लोक जास्त गोड पदार्थांचे सेवन करत नाहीत. अशा रुग्णांसाठी तुम्ही मूगडाळीचा सहज पचन होणारा चविष्ट शिरा बनवू शकता. कमीत कमी साहित्यात झटपट बनवले जाणारे पदार्थ घरातील कोणत्याही कार्यक्रमांच्या दिवशी तुम्ही बनवू शकता. चला तर जाणून घेऊया मुगडाळ शिरा बनवण्याची सोपी रेसिपी.(फोटो सौजन्य – pinterest)

दत्तजयंती 2025: दत्तजयंतीनिमित्त पारंपरिक पद्धतीने नैवेद्यासाठी घरी बनवा सुंठवडा, नोट करून घ्या आयुर्वेदिक रेसिपी

साहित्य:

• भिजवलेली मुगडाळ
• गूळ
• सुका मेवा
• वेलची पावडर
• जायफळ पावडर
• दूध

Soup Recipe : हा 1 सूप पिताच एका महिन्यात कमी होईल 10 किलो वजन! जाणून घ्या रेसिपी 

कृती:

• मुगडाळ शिरा बनवण्यासाठी सर्वप्रथम, रात्री पाण्यात मुगडाळ भिजत ठेवा. त्यानंतर सकाळी उठल्यानंतर मुगडाळ बारीक वाटून घ्या.
• कढईमध्ये तूप गरम करून त्यात बारीक वाटलेली मुगडाळ टाकून मंद आचेवर भाजा. डाळीमध्ये पाणी पूर्णपणे निघून जाईपर्यंत डाळ व्यवस्थित भाजून घ्यावी.
• डाळ तुपात भाजल्यामुळे दाणेदार होते आणि डाळीमध्ये चिकटपणा वाढत नाही.
• डाळ व्यवस्थित भाजून झाल्यानंतर त्यात पाणी आणि दूध गरम करून घाला. त्यानंतर त्यावर झाकण ठेवून शिरा शिजून द्यावा.
• १० मिनिट मंद आचेवर शिरा शिजल्यानंतर त्यात आवश्यकतेनुसार गूळ, सुका मेवा, वेलची पावडर आणि जायफळ पावडर घालून व्यवस्थित मिक्स करा.
• मंद आचेवर शिरा शिजल्यानंतर गॅस बंद करून घ्या. तयार आहे सोप्या पद्धतीमध्ये बनवलेला मूगडाळीचा खमंग शिरा.