जेवणाची चव वाढवण्यासाठी सोप्या पद्धतीमध्ये घरी बनवा आवळ्याचे पौष्टिक लोणचं, आरोग्यासाठी ठरेल गुणकारी

अनेकांना आवळा खायला अजिबात आवडत नाही. अशावेळी तुम्ही आवळ्यापासून चविष्ट आणि पौष्टिक लोणचं बनवू शकता. लोणचं बनवण्यासाठी अतिशय कमी साहित्य लागते. जाणून घ्या आवळ्याचे लोणचं बनवण्याची कृती.

जेवणाच्या ताटात सगळ्यांचं काहींना काही चमचमीत आणि आंबट तिखट पदार्थ खाण्यास हवा असतो.अशावेळी आंब्याचं लोणचं, मिरचीची लोणचं किंवा गोड लोणचं खाल्लं जाते. यासोबतच बाजारात आवळ्याचे सुद्धा लोणचं मिळते. आवळा आरोग्यासाठी अतिशय गुणकारी मानला जातो. आयुर्वेदामध्ये सांगितल्यानुसार, आवळा खाल्ल्यामुळे शरीराला असंख्य फायदे होतात. यामध्ये जीवनसत्त्व सी, लोह, कॅल्शियम, फायबर आणि अँटी ऑक्सिडंट्स मोठ्या प्रमाणावर आढळून येते. शरीरात निर्माण झालेली लोहाची कमतरता भरून काढण्यासाठी आणि पचनक्रिया निरोगी ठेवण्यासाठी आवळ्याचे सेवन केले जाते. याशिवाय अनेक लोक कोमट पाण्यात आवळा पावडर मिक्स करून सेवन करतात, ज्यामुळे शरीरात साचून राहिलेले विषारी घटक बाहेर पडून जातात आणि शरीर डिटॉक्स होते. आवळ्यापासून अनेक वेगवेगळे पदार्थ बनवले जातात. जेवणात आवळ्याचे लोणचं खाल्ल्यास शरीराची भूक वाढते आणि पचनक्रिया निरोगी राहण्यास मदत होते. चला तर जाणून घेऊया आवळ्याचं लोणचं बनवण्याची सोपी कृती.(फोटो सौजन्य: Pinterest)

कोबीची भाजी खायला आवडत नाही? मग लहान मुलांच्या डब्यासाठी झटपट बनवा चविष्ट चणाडाळ कोबी

साहित्य:

• आवळा
• पिवळी मोहरी
• लाल तिखट
• हळद
• मीठ
• बडीशेप
• लिंबू
• मेथी दाणे

Morning Breakfast recipe: सकाळच्या नाश्त्यासाठी झटपट बनवा टेस्टी स्मॅश्ड Potato Salad, नोट करून घ्या रेसिपी

कृती:

• आवळ्याचे लोणचं बनवण्यासाठी सर्वप्रथम, आवळा स्वच्छ धुवून बारीक तुकडे करून घ्या. याशिवाय तुम्ही आवळा किसून सुद्धा घेऊ शकता.
• खलबत्यामध्ये किंवा मिक्सरच्या भांड्यात पिवळी मोहरी, मेथी दाणे आणि भाजून घेतलेली बडीशेप टाकून बारीक कुटून घ्या.
• त्यानंतर मोठ्या वाटीमध्ये बारीक करून घेतलेले मिश्रण, लाल तिखट, हळद, चवीनुसार मीठ व्यवस्थित मिक्स करून घ्या.
• तयार केलेल्या मसाल्यामध्ये गरम केलेले तेल ओतून मिक्स करून बाजूला ठेवून द्या.
• बारीक तुकडे करून घेतलेल्या आवळ्यांमध्ये मसाला मिक्स करून घ्या. हा मसाला तुम्ही हातानेसुद्धा मिक्स करून घेऊ शकता.
• लोणचं जास्त वेळ टिकून राहण्यासाठी काचेच्या बरणीमध्ये भरून वरून लिंबाचा रस टाकून मिक्स करा आणि हवाबंद झाकण लावून लोणचं मुरण्यासाठी ठेवा.
• तयार आहे सोप्या पद्धतीमध्ये बनवलेले आवळ्याचे लोणचं. आवळ्याचं लोणचं जेवणाची चव वाढवेल.