गोड पदार्थ खाण्याची इच्छा झाल्यास सोप्या पद्धतीमध्ये बनवा हेल्दी टेस्टी ओट्स खीर, वाढलेले वजन राहील कायमच नियंत्रणात

अनेकांना ओट्स खायला आवडत नाही. अशावेळी तुम्ही ओट्सपासून खीर बनवू शकता. गुळाचा वापर करून बनवलेली खीर चवीला अतिशय सुंदर लागते. चला तर जाणून घेऊया ओटस खीर बनवण्याची सोपी रेसिपी.

सणावाराच्या दिवसांमध्ये प्रत्येक घरात काहींना काही गोड पदार्थ कायमच बनवला जातो. शिरा, शेवयांची खीर, तांदळाची खीर, गुलाबजाम, रस्सागुला इत्यादी अनेक पदार्थ बनवले जातात. पण हे पदार्थ बनवताना साखरेचा वापर केला जातो. मधुमेह किंवा आरोग्यासंबंधित इतर आजारांनी त्रस्त असलेले लोक गोड पदार्थ खाणे टाळतात. याशिवाय अतिप्रमाणात गोड पदार्थांचे सेवन केल्यामुळे वजन वाढण्याची शक्यता असते. म्हणूनच आज आम्ही तुम्हाला सोप्या पद्धतीमध्ये हेल्दी आणि टेस्टी ओट्स खीर बनवण्याची सोपी रेसिपी सांगणार आहोत. ओट्स खाल्यामुळे शरीराला भरमसाट फायदे होतात. यामध्ये असलेल्या फायबरमुळे क्तातील खराब कोलेस्ट्रॉल कमी होऊन हृदयाचे आरोग्य सुधारते. सकाळच्या नाश्त्यात ओट्स खाल्यास पोट दीर्घकाळ भरलेले राहते आणि लवकर भूक लागलं नाही. ओट्समध्ये कार्बोहायड्रेट्स असतात, जे शरीराला ऊर्जा देतात आणि दिवसभर शरीर सक्रिय राहते. तसेच मधुमेह असलेल्या रुग्णांसाठी ओट्स अतिशय फायदेशीर आहेत. म्हणूनच आज आम्ही तुम्हाला ओट्स खीर बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल.(फोटो सौजन्य – pinterest)

वरण भातासोबत लागेल चविष्ट! १० मिनिटांमध्ये कडू कारल्यापासून बनवा झणझणीत ठेचा, नोट करून घ्या रेसिपी

साहित्य:

• ओट्स
• गूळ
• वेलची पावडर
• सुका मेवा
• दूध
• तूप
• केशर काड्या

साध्या जेवणाची वाढेल रंगतदार चव! सोप्या पद्धतीमध्ये घरी बनवा हॉटेलस्टाईल चमचमीत पनीर भुर्जी, नोट करून घ्या रेसिपी

कृती:

• ओट्स खीर बनवण्यासाठी सर्वप्रथम, कढईमध्ये तूप गरम करून घ्या. गरम तुपात सुका मेवा टाकून व्यवस्थित लाल होईपर्यंत भाजा.
• त्यानंतर भाजलेला सुका मेवा काढून त्यात वाटीभर ओट्स घालून व्यवस्थित भाजून घ्या. ओट्स मंद आचेवर भाजावेत.
• ओट्स हलकेसे लाल झाल्यानंतर त्यात गरम करून घेतलेले दूध घालून व्यवस्थित मिक्स करा आणि आवश्यकतेनुसार गूळ घालून मिक्स करा.
• ५ मिनिटं झाल्यानंतर खीरीला उकळी आल्यानंतर त्यात भाजलेला सुका मेवा, केशर काड्या आणि वेलची पावडर घालून व्यवस्थित मिक्स करा.
• ५ मिनिटं तयार केलेल्या खीरीला वाफ आल्यानंतर गॅस बंद करून खीर खाण्यासाठी सर्व्ह करा.
• तयार आहे सोप्या पद्धतीमध्ये बनवलेली ओट्स खीर. मधुमेह किंवा इतर आजाराचे रुग्ण सुद्धा ओट्सची खीर खाऊ शकता.