Summer Special : उन्हाळ्यात घरी बनवा लहान मुलांच्या आवडीचा ‘ओरिओ मिल्कशेक’, काही मिनिटांची रेसिपी

Oreo Milkshake Recipe : आरिओ बिस्किट तर आपण अनेकदा खाल्ला आहे. पण तुम्ही कधी ओरिओ मिल्कशेक ट्राय केला आहे का? याची चाॅकलेटी चव लहान मुलांना खुश करुन जाते.

• उन्हाळ्यात थंडगार ड्रिंक्स मनाला वेगळीच शांती देऊन जातात.
• तुम्ही लहान मुलांच्या आवडीचे ओरिओ मिल्कशेक बनवू शकता.
• याची रेसिपी फार सोपी असून काही मिनिटांतच हा पदार्थ तयार होतो.

उन्हाळ्यात थंडगार आणि झटपट तयार होणारे पेय म्हटलं की मिल्कशेक हा अनेकांचा आवडता पर्याय असतो. त्यातही ओरिओ बिस्किटांचा चॉकलेटी स्वाद आणि क्रीमी टेक्स्चर एकत्र आले की साधा मिल्कशेकदेखील खास बनतो. ओरिओ शेक ही अशीच एक लोकप्रिय रेसिपी आहे जी लहान मुलांपासून मोठ्यांपर्यंत सर्वांनाच आवडते. घरच्या घरी अगदी कमी साहित्य वापरून हा शेक काही मिनिटांत तयार करता येतो.

Recipe : डाळीपासून नाही यंदा बटाट्यापासून झटपट बनवा कुरकरीत मेदुवडे, रेसिपी नोट करा

कॅफेमध्ये मिळणाऱ्या महागड्या शेकसारखी चव घरीच अनुभवायची असेल, तर ओरिओ शेक उत्तम पर्याय आहे. यामध्ये व्हॅनिला आईस्क्रीम, दूध आणि ओरिओ बिस्किटांचा सुंदर मिलाफ होत असल्याने प्रत्येक घोट क्रीमी आणि स्वादिष्ट लागतो. खास पाहुणे आले असतील, मुलांना काहीतरी वेगळं द्यायचं असेल किंवा संध्याकाळी थंडगार ड्रिंकची इच्छा झाली असेल, तर ही रेसिपी नक्की ट्राय करा.

साहित्य

• 8 ते 10 ओरिओ बिस्किटे
• 2 कप थंड दूध
• 2 स्कूप व्हॅनिला आईस्क्रीम
• 1 टेबलस्पून साखर (ऐच्छिक)
• चॉकलेट सिरप
• बर्फाचे तुकडे

फाटलेल्या दुधापासून काय बनवावं सुचत नाही? मग सोप्या पद्धतीमध्ये घरीच बनवा विकतसारखे मसाला पनीर, नोट करा रेसिपी

कृती

• सर्वप्रथम ओरिओ बिस्किटांचे छोटे तुकडे करून घ्या.
• मिक्सरच्या जारमध्ये दूध, ओरिओ बिस्किटे आणि व्हॅनिला आईस्क्रीम घाला.
• गोडपणा वाढवायचा असल्यास त्यात साखर घाला.
• आता बर्फाचे तुकडे घालून मिश्रण स्मूथ होईपर्यंत ब्लेंड करा.
• ग्लासच्या आतील बाजूस चॉकलेट सिरप लावा.
• तयार शेक ग्लासमध्ये ओता आणि वरून ओरिओ क्रम्ब्स टाका.
• तयार थंडगार ओरिओ शेक लगेच पिण्यासाठी सर्व्ह करा.