सकाळची सुरुवात करा पौष्टिक पदार्थाने, नाश्त्यासाठी झटपट बनवा पनीर कॉर्न सॅलेड

नाश्त्यामध्ये रोज रोज तेच तेच पदार्थ खाऊन कंटाळा आल्यानंतर काहींना काही नवीन खाण्याची इच्छा होते. अशावेळी तुम्ही पनीर कॉर्न सॅलेड बनवू शकता. हा पदार्थ नाश्त्यासाठी उत्तम पर्याय असल्यामुळे ५ मिनिटांमध्ये सॅलेड तयार होते.पनीरचे सेवन केल्यामुळे शरीरात ऊर्जा कायम टिकून राहते आणि लवकर भूक लागत नाही. शरीरात कॅल्शियमची कमतरता निर्माण झाल्यानंतर आहारात पनीरचा समावेश करण्याचा सल्ला अनेकदा दिला जातो. त्यामुळे नाश्त्यासाठी पनीर कॉर्न सॅलेड नक्की बनवून पहा.

सकाळी उठल्यानंतर नाश्त्यासाठी नेमकं काय बनवावं हा प्रश्न सर्वच महिलांना पडतो. अशावेळी पोहे, उपमा, शिरा किंवा मग इडली, डोसा बनवला जातो. पण तेच तेच पदार्थ सतत खाण्याचा कंटाळा आल्यानंतर काहींना काही नवीन पदार्थ खाण्याची इच्छा होते. शरीरामध्ये दिवसभर ऊर्जा टिकवून ठेवण्यासाठी आहारात पौष्टीक पदार्थ खाण्याचा सल्ला दिला जातो. असे पदार्थ जे खाल्ल्यानंतर आरोग्यसुद्धा फायदे होतील आणि पोटही भरेल. त्यामुळे आज आम्ही तुम्हाला सकाळच्या नाश्त्यासाठी पनीर कॉर्न सॅलेड कसे बनवायचे, याची सोपी रेसिपी सांगणार आहोत. पनीर आणि कॉर्न हे दोन्ही पदार्थ आरोग्यासाठी फायदेशीर आहे.

पनीर खाल्ल्यामुळे शरीराला आवश्यक असलेले सर्व विटामिन भेटतात. पनीरचे सेवन केल्यामुळे शरीरात ऊर्जा कायम टिकून राहते आणि लवकर भूक लागत नाही. शरीरात कॅल्शियमची कमतरता निर्माण झाल्यानंतर आहारात पनीरचा समावेश करण्याचा सल्ला अनेकदा दिला जातो. त्यामुळे रोजच्या आहारात पनीर आणि कॉर्नचे सेवन करावे. चला तर जाणून घेऊया पनीर कॉर्न सॅलेड बनवण्याची सोपी रेसिपी.(फोटो सौजन्य-istock)

साहित्य:

• पनीर
• मक्याचे दाणे
•  कांदा बारीक चिरलेला
•  टोमॅटो बारीक चिरलेला
• हिरवी मिरची बारीक चिरलेली
• लाल तिखट
• काळीमिरी पावडर
• लिंबाचा रस
• कोथिंबीर
• चवीनुसार मीठ

हे देखील वाचा: खांडवी बनवण्याची सोपी पद्धत; नाश्त्याला बनवा आणखीन मजेदार

कृती:

• पनीर कॉर्न सॅलेड बनवण्यासाठी एका वाटीमध्ये बारीक चिरलेला कांदा, टोमॅटो आणि बारीक चिरलेली मिरची घेऊन मिक्स करून घ्या.
• त्यानंतर त्यात बारीक केलेल्या पनीरचे तुकडे टाकून मिक्स करून घ्या.
• तयार केलेल्या मिश्रणात उकडवून घेतलेले मक्याचे दाणे टाकून मिक्स करून घ्या. नंतर त्यात चवीनुसार मीठ टाकून मिक्स करा.
• सर्व मिश्रण मिक्स करून झाल्यानंतर त्यात काळी मिरी पावडर, लाल तिखट घालून मिक्स करा.
• सगळ्यात शेवटी तयार केलेल्या मिश्रणात लिंबाचा रस आणि बारीक चिरलेली कोथिंबीर टाकून मिक्स करा. तयार आहे पनीर कॉर्न सॅलेड.