रविवार होईल आणखीनच मजेदार! सकाळच्या नाश्त्यासाठी झटपट बनवा पनीर कॉर्न सँडविच, नोट करून घ्या रेसिपी

सकाळच्या नाश्त्यात हेल्दी टेस्टी पदार्थ खायचा असेल तर तुम्ही सोप्या पद्धतीमध्ये पनीर कॉर्न सँडविच बनवू शकता. हा पदार्थ चवीला अतिशय सुंदर लागतो. जाणून घ्या पनीर कॉर्न सँडविच बनवण्याची सोपी रेसिपी.

सुट्टीच्या दिवशी सकाळच्या नाश्त्यात घरातील प्रत्येकालच काहींना काही चमचमीत आणि झटपट तयार होणारा पदार्थ खायचा असतो. नाश्त्यात नेहमीच कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सकाळच्या नाश्त्यासाठी पनीर कॉर्न सँडविच बनवू शकता. पावसाळ्याच्या दिवसांमध्ये बाजारात मक्याचे दाणे मोठ्या प्रमाणावर उपलब्ध असतात. मक्याच्या दाण्यांचा वापर करून अनेक वेगवेगळे पदार्थ बनवले जातात. याशिवाय बऱ्याचदा नाश्त्यात तिखट किंवा तेलकट पदार्थांच्या सेवनामुळे ऍसिडिटी वाढण्याची जास्त शक्यता असते. शरीरात वाढलेल्या ऍसिडिटीमुळे अपचनाची समस्या उद्भवते. त्यामुळे सकाळच्या नाश्त्यात नेहमीच पचनास हलके असलेले पदार्थ खावेत. अतितिखट किंवा मसालेदार पदार्थांचे सेवन केल्यामुळे शरीरात कोलेस्ट्रॉल वाढते. चला तर जाणून घेऊया पनीर कॉर्न सँडविच बनवण्याची सोपी रेसिपी.(फोटो सौजन्य – istock)

कोणत्याही भाजीसोबत खा याची चव तुम्हाला नाराज करणार नाही; जाणून घ्या Cheese Garlic Naan ची सोपी, चविष्ट रेसिपी!

साहित्य:

• मक्याचे दाणे
• पनीर
• ब्रेड
• हिरवी मिरची
• चाट मसाला
• टोमॅटो सॉस
• बटर
• शिमला मिरची
• लाल तिखट
• पुदिन्याची चटणी
• कांदा
• चीज

लहान मुलांच्या नाश्त्यासाठी घरीच बनवा चपाती पॅटीज टॅकोज, पिझ्झा- बर्गरला कायमचे जाल विसरून

कृती:

• पनीर कॉर्न सँडविच बनवण्यासाठी सर्वप्रथम, मोठ्या भांड्यात किसलेले पनीर, उकडलेले कॉर्न, चिरलेले कांदे, हिरव्या मिरच्या आणि कोथिंबीर घालून व्यवस्थित मिक्स करून घ्या.
• त्यानंतर त्यात मेयोनेझ, टोमॅटो केचप, काळी मिरी पावडर, चाट मसाला आणि मीठ घालून व्यवस्थित मिक्स करा.
• ब्रेडच्या स्लाईसवर हिरवी चटणी आणि टोमॅटो सॉस लावून संपूर्ण ब्रेडवर पसरवून घ्या. त्यानंतर त्यावर पनीरचे मिश्रण लावून त्यावर तुमच्या आवडीनुसार चीज टाकून दुसरा ब्रेड स्लाईस ठेवा.
• गरम तव्यावर तयार केलेले सँडविच दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले पनीर कॉर्न सँडविच.